ஆட்சியர் அலுவலகம் முன் தமிழ்நாடு விவசாயிகள் சங்கத்தினா் ஆா்ப்பாட்டம்

கோவை:

கோவையில் செயல்பட்டு வரும் விதைச்சான்று இயக்குநா் அலுவலகத்தை சென்னைக்கு இடமாற்றம் செய்யப்பட உள்ளதைக் கண்டித்து தமிழ்நாடு விவசாயிகள் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

கோவையில் இயங்கிவரும் விதைச் சான்று மற்றும் அங்கக சான்றிதழ் வழங்கும் துறையின் தலைமை இடத்தை சென்னைக்கு மாற்றுவதாக வேளாண்மைத் துறை அறிவிப்பு வெளியிட்டு இருக்கிறது. 

இதற்கு எதிர்ப்பு தெரிவித்து தமிழ்நாடு விவசாயிகள் சங்கம் சார்பில் மாவட்ட ஆட்சியர் அலுவலகம் முன்பு ஆர்ப்பாட்டம் நடைபெற்றது. இந்த ஆா்ப்பாட்டத்துக்கு சங்கத்தின் கோவை மாவட்டத் தலைவா் சு.பழனிசாமி தலைமை வகித்தாா்

இது குறித்து அவா் செய்தியாளா்களிடம் கூறியதாவது

கோவை, தடாகம் சாலையில் விதைச்சான்று இயக்குநா் அலுவலகம் 1968 ஆம் ஆண்டு முதல் செயல்பட்டு வருகிறது. இந்த அலுவலகத்தை சென்னைக்கு இடமாற்றம் செய்ய தமிழக அரசு திட்டமிட்டுள்ளது.

கொங்கு மண்டலத்தில் அதிக அளவில் விதை உற்பத்தியாளா்கள் செயல்பட்டு வரும் நிலையில் விதைச்சான்று இயக்குநா் அலுவலகத்தை சென்னைக்கு இடமாற்றம் செய்வதால் உற்பத்தியாளா்கள் பாதிக்கப்படுவா். விதைப் பரிசோதனைக்காக ஒவ்வொரு முறையும் சென்னைக்கு செல்ல வேண்டிய நிலை ஏற்படும்.

சென்னை சுற்றுவட்டாரப் பகுதிகளில் விதை உற்பத்திக்கான வாய்ப்புகளும் குறைவு. எனவே விவசாயிகளின் நலன் கருதி விதைச்சான்று இயக்குநா் அலுவலகத்தை இடமாற்றம் செய்யும் திட்டத்தை கைவிட வேண்டும் என்றாா்.

இதில் முதலமைச்சர் தலையிட்டு உரிய நடவடிக்கை எடுக்க வேண்டும் என  தெரிவித்தார்கள்.

மேலும் இக்கோரிக்கை தொடா்பாக அவா்கள், மாவட்ட ஆட்சியா் அலுவலகத்தில் மனு அளித்தனா்.