“மாநிலம் முழுவதும் 121 இரத்ததான முகாம்கள்!” - காஞ்சிபுரத்தில் தமிழ்நாடு தவ்ஹீத் ஜமாஅத் சார்பில் 43-வது மாபெரும் இரத்ததான முகாம்!

 காஞ்சிபுரம் | ஆகஸ்ட் 18, 2026

பாரதத்தின் 80-வது சுதந்திர தினத்தை முன்னிட்டு, தமிழ்நாடு தவ்ஹீத் ஜமாஅத் (TNTJ) சார்பில் அரசு மருத்துவமனைகளுடன் இணைந்து தமிழகம் முழுவதும் 121 இரத்ததான முகாம்கள் நடத்தப்பட்டு வருகின்றன.

ஆவணி மாத ராசி பலன்கள் 2026
[ ஆக.18  முதல் செப்.17 வரை ]
"சூரியன் ஆட்சி, குரு உச்சம்! 
கன்னியில் புதன் உச்சம்,  துலாமில் சுக்ரன் ஆட்சி

👑 எந்த ராசிக்கு பணவரவு அதிகரிக்கும்?
இந்த 5 ராசிக்கு யோகம்  💰 உங்க ராசி இதில் இருக்கா? 

♈ மேஷம்♉ ரிஷபம்♊ மிதுனம்♋ கடகம்♌ சிம்மம்♍ கன்னி♎ துலாம்♏ விருச்சிகம்♐ தனுசு♑ மகரம்♒ கும்பம்♓ மீனம்

அதன் ஒரு பகுதியாக, தமிழ்நாடு தவ்ஹீத் ஜமாஅத் காஞ்சிபுரம் கிளை மற்றும் காஞ்சி அரசு தலைமை பொது மருத்துவமனை இரத்த வங்கி இணைந்து நடாத்திய 43-வது மாபெரும் இரத்ததான முகாம் ஒலிமுஹம்மதுபேட்டை நகராட்சி நடுநிலைப்பள்ளியில் ஆகஸ்ட் 16, 2026 அன்று ஞாயிற்றுக்கிழமை சிறப்பாக நடைபெற்றது.

68 கொடையாளர்கள் இரத்ததானம்:

"ஒரு மனிதரை வாழவைத்தவர் எல்லா மனிதர்களையும் வாழ வைத்தவர் போலாவார்" என்ற திருக்குர்ஆன் வசனத்தின் கோட்பாட்டிற்கு இணங்க நடைபெற்ற இம்முகாமிற்குத் TNTJ காஞ்சிபுரம் கிளைத் தலைவர் சாகுல் ஹமீத் மற்றும் மாவட்ட மருத்துவ அணிச் செயலாளர் சர்புதீன் ஆகியோர் தலைமை தாங்கினர்.

சாதி, மத பேதமின்றி 200-க்கும் மேற்பட்ட பொதுமக்கள் ஆர்வத்துடன் கலந்துகொண்ட இம்முகாமில், தகுதிபெற்ற 68 நபர்களிடமிருந்து குருதி கொடையளிக்கப்பட்டது. காஞ்சி அரசு தலைமை பொது மருத்துவமனையின் இரத்த வங்கி அலுவலர் Dr. ராதிகா அவர்கள் தலைமையில் மருத்துவக் குழுவினர் குருதியைச் சேகரித்தனர்.

அரசுக்கு வைக்கப்பட்ட முக்கிய கோரிக்கைகள்:

முகாமின் இடையே செய்தியாளர்களைச் சந்தித்த TNTJ காஞ்சி மாவட்ட மருத்துவ அணிச் செயலாளர் சர்புதீன் தெரிவித்ததாவது:

• மருத்துவமனை தரம் உயர்வு: காஞ்சிபுரம் அரசு தலைமைப் பொது மருத்துவமனையின் உள்கட்டமைப்பு மற்றும் மருத்துவச் சேவைகளை மேலும் தரம் உயர்த்த வேண்டும்.
• நடமாடும் இரத்ததான வாகனம்: காஞ்சிபுரம் மாவட்டத்தில் அதிகளவில் இரத்ததான முகாம்களைச் சிரமமின்றி நடத்துவதற்குக் காஞ்சி அரசு மருத்துவமனைக்குச் சிறப்பு நடமாடும் இரத்ததான வாகன வசதியை (Mobile Blood Donation Van) அரசு ஏற்படுத்தித் தர வேண்டும்.
• பொதுமக்களுக்கு அழைப்பு: விபத்து மற்றும் பிரசவ காலங்கள் போன்ற அவசரச் சூழல்களில் சாதி, மத பேதங்களைக் கடந்து பொதுமக்கள் அனைவரும் இரத்ததானம் வழங்க முன்வர வேண்டும்.

பங்கேற்ற நிர்வாகிகள்:

நிகழ்ச்சியில் TNTJ காஞ்சி கிளைச் செயலாளர் முஜிபுர் ரஹ்மான், துணைத் தலைவர் சாகுல், துணைச் செயலாளர் அப்துல்லாஹ், பொருளாளர் பாசில் ஆகியோர் கலந்துகொண்டு இரத்தக் கொடையாளர்களுக்குப் பாராட்டுச் சான்றிதழ்களை வழங்கிச் சிறப்பித்தனர்.