ரூ.1.44 கோடியில் புதுப்பிக்கப்பட்ட பிள்ளையார் கோவில் குளம் திறப்பு: திறந்து வைத்தார் அமைச்சர் எஸ்.பி.கே. தென்னரசு!

காஞ்சிபுரம் | ஜூலை 30, 2026

காஞ்சிபுரம் மாவட்டம், ஸ்ரீபெரும்புதூர் ஒன்றியம், சுங்குவாச்சத்திரம் அருகே உள்ள திருமங்கலம் ஊராட்சியில் ரூ.1.44 கோடி மதிப்பீட்டில் புனரமைக்கப்பட்ட வரலாற்றுச் சிறப்புமிக்க பிள்ளையார் கோவில் குளத்தை மாண்புமிகு வெளிநாடு வாழ் தமிழர்கள் நலத்துறை அமைச்சர் திரு. எஸ்.பி.கே. தென்னரசு அவர்கள் பொதுமக்கள் பயன்பாட்டிற்காகத் திறந்து வைத்தார்.

ஆகஸ்ட் மாத ராசி பலன்கள் 2026
உச்ச குரு + புதாதித்ய யோகம்!

👑 எந்த ராசிக்கு பணவரவு அதிகரிக்கும்?
இந்த 3 ராசிக்கு ராஜயோகம்  💰 உங்க ராசி இதில் இருக்கா? 

♈ மேஷம்♉ ரிஷபம்♊ மிதுனம்♋ கடகம்♌ சிம்மம்♍ கன்னி♎ துலாம்♏ விருச்சிகம்♐ தனுசு♑ மகரம்♒ கும்பம்♓ மீனம்

 

மாவட்ட ஆட்சித்தலைவர் திருமதி தி. சினேகா, இ.ஆ.ப., அவர்கள் தலைமையில் நடைபெற்ற இந்நிகழ்வில், புதுப்பிக்கப்பட்ட குளத்தைப் பார்வையிட்ட அமைச்சர், வளாகத்தில் மரக்கன்றுகளையும் நட்டு வைத்தார்.

ஹூண்டாய் மோபிஸ் CSR நிதி & எக்ஸ்னோரா ஒருங்கிணைப்பு:

பாரம்பரிய நீர்நிலையான இக்கோவில் குளத்தைச் சீரமைத்து நிலையான நீராதாரமாக மாற்றும் நோக்கில், ஹூண்டாய் மோபிஸ் (Hyundai Mobis) நிறுவனத்தின் பெருநிறுவன சமூகப் பொறுப்பு (CSR) நிதி பங்களிப்புடன், எக்ஸ்னோரா இன்டர்நேஷனல் ஃபவுண்டேஷன் ஒருங்கிணைப்பில் புனரமைப்புப் பணிகள் மேற்கொள்ளப்பட்டன.

மேற்கொள்ளப்பட்ட புனரமைப்புப் பணிகள்:

• குளம் தூர்வாருதல் மற்றும் கரைகளைப் பலப்படுத்துதல்.
• நீர்வரத்து மற்றும் வெளியேற்றக் கால்வாய்களைச் சீரமைத்தல்.
• பொதுமக்கள் நடைப்பயிற்சி (Walking Track) மேற்கொள்ள நடைபாதை அமைத்தல்.
• சுற்றுப்புற நிலப்பரப்பைப் பசுமையாக்குதல் மற்றும் பாதுகாப்பு வசதிகளை ஏற்படுத்துதல்.

இத்திட்டம் மூலம் நிலத்தடி நீர்மட்டம் உயர்வதுடன், பல்லுயிர் வளத்தைப் பாதுகாக்கவும் எதிர்காலத் தலைமுறைக்குப் பசுமையான சூழலை உருவாக்கவும் வழிவகை செய்யப்பட்டுள்ளது.

"களத்தில் இறங்கி வேலை செய்யும் அரசு" - அமைச்சர் எஸ்.பி.கே. தென்னரசு பேட்டி:

நிகழ்ச்சியில் குளத்தைத் திறந்து வைத்து மாண்புமிகு அமைச்சர் எஸ்.பி.கே. தென்னரசு பேசியதாவது:

"சுங்குவாச்சத்திரம் கிராமத்தில் புதுப்பிக்கப்பட்ட பிள்ளையார் கோவில் குளத்தைப் பார்க்கும்போது மிகவும் மகிழ்ச்சியாக உள்ளது. ஒரு கிராமத்தைத் தத்தெடுத்து இதுபோன்ற சமூகப் பணிகளை முன்னெடுக்கும் ஹூண்டாய் மோபிஸ் நிறுவனத்திற்கு எனது மனமார்ந்த பாராட்டுகள்.

வெறும் கொடியசைத்துச் செல்லும் ஆட்சி இதுவல்ல; களத்தில் இறங்கி மக்களுக்காக வேலை செய்யும் ஆட்சி. தமிழ்நாட்டிலேயே 2,100-க்கும் மேற்பட்ட தொழிற்சாலைகளைக் கொண்டுள்ள காஞ்சிபுரம் மாவட்டத்தைச் தொடர்ந்து வளர்ச்சிப் பாதையில் கொண்டு செல்ல அனைத்து முயற்சிகளையும் எடுப்போம். அடிப்படை வசதிகள் தேவைப்படும் கிராமங்களை முன்னேற்றத் தனியார் நிறுவனங்களின் CSR நிதியைப் பயன்படுத்தித் தொடர்ந்து சேவையாற்றுவோம்."

நிகழ்ச்சியில் பங்கேற்ற முக்கியப் பிரமுகர்கள்:

இந்நிகழ்வில் வரவேற்புரையாற்றிய எக்ஸ்னோரா இன்டர்நேஷனல் ஃபவுண்டேஷன் தலைவர் திரு. எஸ். செந்தூர் பாரி, ஹூண்டாய் மோபிஸ் நிறுவனத்தின் தொடர்ச்சியான சமூகப் பங்களிப்பிற்கு நன்றி தெரிவித்தார்.

மேலும், தவெக ஸ்ரீபெரும்புதூர் மேற்கு ஒன்றியக் கழகச் செயலாளர் திரு. பார்த்திபன், திருமங்கலம் ஊராட்சித் தலைவர் என். ரேகா நரேஷ்குமார், ஹூண்டாய் மோபிஸ் CSR பிரிவுத் தலைவர் திரு. ஜி. நரசிம்மன், ஸ்ரீபெரும்புதூர் ஒன்றியக் குழுத் தலைவர் திரு. எஸ்.டி. கருணாநிதி, மாவட்ட ஊராட்சிக் குழு உறுப்பினர் திரு. இராமமூர்த்தி மற்றும் அரசு அலுவலர்கள் பலர் கலந்துகொண்டனர்.