காஞ்சிபுரத்தில் விவசாயிகள் நலன் காக்கும் நாள் கூட்டம்: ரூ.4.62 லட்சத்தில் நலத்திட்ட உதவிகள் வழங்கி ஆட்சியர் சினேகா அதிரடி உத்தரவு!

காஞ்சிபுரம் | ஆகஸ்ட் 01, 2026

காஞ்சிபுரம் மாவட்ட ஆட்சியர் அலுவலக வளாகத்தில் அமைந்துள்ள மக்கள் நல்லுறவு மைய கூட்டரங்கில், மாவட்ட ஆட்சித்தலைவர் திருமதி தி. சினேகா, இ.ஆ.ப., அவர்கள் தலைமையில் விவசாயிகள் நலன் காக்கும் நாள் கூட்டம் சிறப்பாக நடைபெற்றது.

ஆகஸ்ட் மாத ராசி பலன்கள் 2026
உச்ச குரு + புதாதித்ய யோகம்!

👑 எந்த ராசிக்கு பணவரவு அதிகரிக்கும்?
இந்த 3 ராசிக்கு ராஜயோகம்  💰 உங்க ராசி இதில் இருக்கா? 

♈ மேஷம்♉ ரிஷபம்♊ மிதுனம்♋ கடகம்♌ சிம்மம்♍ கன்னி♎ துலாம்♏ விருச்சிகம்♐ தனுசு♑ மகரம்♒ கும்பம்♓ மீனம்

இக்கூட்டத்தில் வேளாண்மைத் துறை, தோட்டக்கலைத் துறை, கூட்டுறவுத் துறை, ஊரக வளர்ச்சித் துறை, பொதுப்பணித் துறை உள்ளிட்ட அனைத்துத் துறை அதிகாரிகளும் கலந்துகொண்டு திட்ட விளக்கங்களையும் விவசாயிகளின் கேள்விகளுக்குப் பதில்களையும் வழங்கினர்.

ரூ.4.62 லட்சத்தில் நலத்திட்ட உதவிகள் வழங்கீடு:

கூட்டத்தில் 10 விவசாயப் பயனாளிகளுக்கு மொத்தம் ரூ.4,62,493/- மதிப்பிலான பயிர்க்கடன்கள் மற்றும் வேளாண் இடுபொருட்களை மாவட்ட ஆட்சியர் வழங்கினார்:

• இயற்கை விவசாயச் சான்றிதழ்: இயற்கை முறையில் விவசாயம் செய்து வரும் உத்திரமேரூரைச் சேர்ந்த மாசிலாமணி என்பவருக்கு இயற்கை விவசாயத்திற்கான சான்றிதழ் வழங்கப்பட்டது.
• பயிர்க்கடன்: புள்ளலூர் கூட்டுறவு சங்கம் மூலம் 5 விவசாயப் பயனாளிகளுக்கு ரூ.4,61,131/- மதிப்பிலான பயிர்க்கடன்கள் வழங்கப்பட்டன.
• வேளாண் இடுபொருட்கள்: 5 பயனாளிகளுக்கு மானிய விலையிலான மரக்கன்றுகள் மற்றும் நெல் நுண்ணூட்ட உரக்கலவை உள்ளிட்ட ரூ.1,362/- மதிப்பிலான இடுபொருட்கள் வழங்கப்பட்டன.

மழைப்பொழிவு & உர இருப்பு விபரம்:

காஞ்சிபுரம் மாவட்டத்தில் 2026 ஜூலை மாதம் வரை கிடைக்க வேண்டிய சராசரி மழை அளவு 219 மி.மீ ஆகும். இதில் இதுவரையில் 140.133 மி.மீ (63%) மழை பொழிந்துள்ளது. கூட்டுறவு மற்றும் தனியார் விற்பனை நிலையங்களில் யூரியா உரங்கள், பூச்சி மற்றும் நோய் பயிர் பாதுகாப்பு மருந்துகள் போதிய அளவில் இருப்பு உள்ளதாகக் கூட்டத்தில் தெரிவிக்கப்பட்டது.

விவசாயிகளின் கோரிக்கைகள் & ஆட்சியரின் உத்தரவுகள்:

1. பயிர் காப்பீட்டு இணைய வேகம்: பயிர் காப்பீடு செய்ய கடைசி நாளான இன்று இணையதள வேகம் குறைவாக இருப்பதால் விவசாயிகள் சிரமப்படுவதாகத் தெரிவித்தனர். இதுகுறித்து உடனடியாக நடவடிக்கை எடுக்க வேளாண்மை இணை இயக்குநருக்கு ஆட்சியர் உத்தரவிட்டார்.
2. கூட்டுறவு உரத் தட்டுப்பாடு: கூட்டுறவு சங்கங்களில் உரத் தட்டுப்பாடு நிலவுவதாக எழுந்த புகாரை அடுத்து, கூட்டுறவுச் சங்கங்களின் இணைப்பதிவாளர் நேரில் ஆய்வு செய்து பிரச்சனைக்குத் தீர்வு காண உத்தரவிடப்பட்டது.
3. உத்திரமேரூர் ஏரி தூர்வாருதல்: உத்திரமேரூர் ஏரியில் நீர்மட்டம் குறைந்துள்ளதால் தூர்வார வேண்டும் என்றும், 13 மதகுகளையும் மழைக்காலத்திற்குள் சீரமைக்க வேண்டும் என்றும் கோரிக்கை வைக்கப்பட்டது. இதைக் குறித்து நீர்வளத்துறை பொறியாளர் ஆய்வு செய்யக் கேட்டுக் கொள்ளப்பட்டது.
4. நேரடி நெல் கொள்முதல் நிலையங்கள் திறப்பு:

• நடப்பாண்டில் 60,000 மெட்ரிக் டன் நெல் கொள்முதல் செய்ய இலக்கு நிர்ணயிக்கப்பட்டுள்ளது.
• முதற்கட்டமாக 10,000 மெட்ரிக் டன் கொள்முதல் செய்ய அடுத்த வாரத்திலிருந்து நேரடி நெல் கொள்முதல் நிலையங்கள் திறக்கப்படும்.
• "நெல் கொள்முதல் நிலையங்களில் எவ்வித அரசியல் தலையீடும் இன்றி, விவசாயிகள் தங்களின் நெல்லை தடையின்றி விற்பனை செய்ய உறுதியான நடவடிக்கை எடுக்கப்படும்" எனத் தமிழ்நாடு நுகர்பொருள் வாணிபக் கழக மண்டல மேலாளர் உறுதி அளித்தார்.

விவசாயிகள் தெரிவித்த அனைத்துக் கோரிக்கைகள் மீதும் துறை சார்ந்த அலுவலர்கள் உரிய ஆய்வு மேற்கொண்டு, அடுத்த கூட்டத்திற்குள் அறிக்கை சமர்ப்பிக்க வேண்டும் என மாவட்ட ஆட்சியர் சினேகா அறிவுறுத்தினார்.

பங்கேற்ற முக்கிய அலுவலர்கள்:

இக்கூட்டத்தில் வேளாண்மை இணை இயக்குநர் ஆர். கிருஷ்ணவேணி, கூட்டுறவு சங்கங்களின் இணைப்பதிவாளர் கோ. யோக விஷ்ணு, காஞ்சிபுரம் வருவாய் கோட்டாட்சியர் (பொ) பாலகிருஷ்ணன், வேளாண்மை துணை இயக்குநர் / ஆட்சியரின் நேர்முக உதவியாளர் (வேளாண்மை) எஸ். சுரேஷ் உள்ளிட்ட அரசு அலுவலர்களும் ஏராளமான விவசாயப் பெருமக்களும் கலந்துகொண்டனர்.