வெங்காடு ஊராட்சியில் புரட்சித் தலைவர் எம்.ஜி.ஆர் நினைவு நாள்: ஊராட்சி மன்றத் தலைவர் தலைமையில் பொதுமக்கள் திரண்டு அஞ்சலி!

வெங்காடு | டிசம்பர் 24, 2025 :

காஞ்சிபுரம் மாவட்டம், வெங்காடு ஊராட்சியில் பாரத ரத்னா, புரட்சித் தலைவர் டாக்டர் எம்.ஜி.ஆரின் 38-வது ஆண்டு நினைவு தினம் இன்று உணர்ச்சிப்பூர்வமாக அனுசரிக்கப்பட்டது.

செய்த பாவங்கள் அனைத்தும் தீயில் விழுந்த தூசாக மறைய வேண்டுமா? திருப்பாவை பாடல் ரகசியம்!

தலைமை மற்றும் அஞ்சலி: 

இன்று காலை 7 மணி அளவில் நடைபெற்ற இந்த நிகழ்விற்கு, வெங்காடு ஊராட்சி மன்றத் தலைவர் திருமதி. அன்னக்கிளி உலகநாதன் தலைமை தாங்கினார். இதில் சிறப்பு அழைப்பாளராக மாவட்ட கழகப் பிரதிநிதி வெங்காடு பி. உலகநாதன் கலந்துகொண்டு, அலங்கரிக்கப்பட்ட எம்.ஜி.ஆரின் திருவுருவப் படத்திற்கு மலர் தூவி மரியாதை செலுத்தினார்.

பொதுமக்கள் பங்கேற்பு: 

"ஏழைப் பங்காளர்" எனப் போற்றப்படும் எம்.ஜி.ஆரின் நினைவைப் போற்றும் வகையில், வெங்காடு கிராமத்தைச் சேர்ந்த பொதுமக்கள் பெரும் திரளாகக் கலந்துகொண்டு தங்களது இதய தெய்வத்திற்கு கண்ணீர் மல்க அஞ்சலி செலுத்தினர். இந்நிகழ்வில் உள்ளூர் முக்கியப் பிரமுகர்கள் மற்றும் சமூக ஆர்வலர்கள் பலரும் பங்கேற்று சிறப்பித்தனர்.