மாநில அளவிலான மாபெரும் மாரத்தான்! உதயநிதி ஸ்டாலின் பிறந்தநாளையொட்டி திட்டக்குடியில் அமைச்சர் சி.வெ.கணேசன் துவக்கி வைத்தார்.
திட்டக்குடி | டிசம்பர் 27, 2025 :
போட்டி விவரம்:
திமுக மாவட்ட விளையாட்டு மேம்பாட்டு அணி அமைப்பாளர் சி.வெ.க. வெங்கடேசன் தலைமையில் நடைபெற்ற இப்போட்டியில், தமிழகத்தின் பல்வேறு பகுதிகளில் இருந்து ஏராளமான வீரர், வீராங்கனைகள் கலந்து கொண்டனர்.
- ஆண்கள் பிரிவு: இறையூரில் இருந்து தொழுதூர் வரை (23 கி.மீ).
- பெண்கள் பிரிவு: திட்டக்குடியில் இருந்து தொழுதூர் வரை (13 கி.மீ).
துவக்க விழா:
தமிழக தொழிலாளர் நலன் மற்றும் திறன் மேம்பாட்டுத் துறை அமைச்சர் சி.வெ. கணேசன் சிறப்பு அழைப்பாளராகக் கலந்து கொண்டு, இறையூரில் கொடியசைத்துப் போட்டியைத் துவக்கி வைத்தார்.
பரிசு வழங்கல்:
போட்டி நிறைவடைந்ததும் ராமநத்தம் பேருந்து நிலையத்தில் நடைபெற்ற விழாவில், வெற்றி பெற்றவர்களுக்குப் பரிசுத் தொகை, சான்றிதழ் மற்றும் கேடயங்களை மாவட்ட விளையாட்டு மேம்பாட்டு அணி அமைப்பாளர் சி.வெ.க. வெங்கடேசன் வழங்கிப் பாராட்டினார்.
பங்கேற்ற முக்கிய நிர்வாகிகள்:
இந்நிகழ்ச்சியில் மங்களூர் ஒன்றிய திமுக செயலாளர்கள் பட்டூர் அமிர்தலிங்கம், செங்குட்டுவன், திட்டக்குடி நகரச் செயலாளர் வி.பி.பி. பரமகுரு, ஆதித்தமிழர் பேரவை மாவட்டச் செயலாளர் வீரமுத்து உள்ளிட்ட திமுக நிர்வாகிகள் மற்றும் பொதுமக்கள் திரளாகக் கலந்து கொண்டனர்.
செய்தி மற்றும் படங்கள்: R.காமராஜ், விருத்தாசலம்.
No comments
Thank you for your comments