விருத்தாசலத்தில் மகிலா காங்கிரஸ் அதிரடி: "ராகுல் காந்தியை பிரதமராக்குவதே இலக்கு!" - மாநிலத் தலைவி ஹசினா சையத் முழக்கம்.
விருத்தாசலம் | டிசம்பர் 22, 2025
2026-ம் ஆண்டு: குபேர யோகம் பெறப்போகும் ராசிகள் எவை | 2026 Career & Finance Horoscope|
மாநிலத் தலைவி ஹசினா சையத் உரை: சிறப்பு அழைப்பாளராகப் பங்கேற்ற தமிழ்நாடு மகளிர் காங்கிரஸ் மாநிலத் தலைவி ஹசினா சையத், குத்துவிளக்கேற்றி கூட்டத்தைத் தொடங்கி வைத்தார். பின்னர் அவர் பேசுகையில், "மத்திய பாஜக அரசு பெண்களுக்கு எந்தச் சலுகைகளையும் வழங்கவில்லை. ராகுல் காந்தியைப் பிரதமராக்கினால் மட்டுமே பெண்களுக்கான முழுமையான நலத்திட்டங்களை உறுதி செய்ய முடியும்" எனத் தெரிவித்தார். மேலும், புதிதாக நியமிக்கப்பட்ட பொறுப்பாளர்களுக்கு நியமனக் கடிதங்களை வழங்கினார்.
முக்கிய நிர்வாகிகள் பங்கேற்பு: அகில இந்திய காங்கிரஸ் கமிட்டி உறுப்பினர் இளஞ்செழியன் பேசுகையில், 2026 சட்டமன்றத் தேர்தலில் காங்கிரஸ் கூட்டணி அமோக வெற்றி பெறும் என நம்பிக்கை தெரிவித்தார். முன்னதாக தலைமைப் பேச்சாளர் ராஜீவ் காந்தி அனைவரையும் வரவேற்றார். மாநில ஒருங்கிணைப்பாளர் தெய்வானை, மாவட்ட பொறுப்பாளர்கள் மற்றும் பல்வேறு மாவட்டங்களின் மகளிர் அணி தலைவிகள் என ஏராளமான நிர்வாகிகள் கலந்து கொண்டனர்.
நிறைவேற்றப்பட்ட அதிரடி தீர்மானங்கள்: இந்தக் கூட்டத்தில் மகளிர் நலன் மற்றும் கட்சி வளர்ச்சி குறித்த 5 முக்கிய தீர்மானங்கள் நிறைவேற்றப்பட்டன:
- பிரதமர் ராகுல் காந்தி: ராகுல் காந்தியைப் பிரதமர் பதவியில் அமர்த்த இந்தியா முழுவதும் சென்று வாக்குச் சேகரிப்பது.
- உறுப்பினர் சேர்க்கை: தமிழகத்திலேயே முன்மாதிரி மாவட்டமாக கடலூர் மேற்கு மாவட்டத்தில் அதிகப்படியான பெண்களை கட்சியில் இணைப்பது.
- கிராம கமிட்டி: கடலூர் மேற்கு மாவட்ட மகிலா காங்கிரஸ் சார்பில் பூதமங்கலம் கிராம கமிட்டி அமைப்பது.
- இடஒதுக்கீடு: நாடாளுமன்றம், சட்டமன்றம் மற்றும் உள்ளாட்சி அமைப்புகளில் பெண்களுக்கான 33% இடஒதுக்கீட்டை 50% ஆக உயர்த்தப் போராடுவது.
- வேலைவாய்ப்பு: அரசு மற்றும் தனியார் துறை வேலைவாய்ப்புகளில் பெண்களுக்கு 50% முன்னுரிமை பெற்றுத் தருவது மற்றும் 100 நாள் வேலைத் திட்டத்தைப் பெண்களுக்கு சாதகமாக 200 நாட்களாக உயர்த்தி 50% வேலை வழங்குவது.
செய்தி மற்றும் படங்கள்: R.காமராஜ், விருத்தாசலம்.
No comments
Thank you for your comments