🌊 ஹூண்டாயின் ரூ.2.63 கோடி திட்டம்: ஸ்ரீபெரும்புதூர் இருங்காட்டுக்கோட்டை கிராமத்தில் இரண்டு குளங்கள் புனரமைப்பு! - 5,000 மக்கள் இனி பயன்பெறுவர்

 காஞ்சிபுரம்,  டிசம்பர் 15, 2025:

ஹூண்டாய் மோட்டார் இந்தியா லிமிடெட் நிறுவனத்தின் சமூகசேவைப் பிரிவான ஹூண்டாய் மோட்டார் இந்தியா அறக்கட்டளை (HMIF), நீராதாரத்தைப் பாதுகாக்கும் தனது முக்கியத் திட்டமான H₂OPE-இன் கீழ், காஞ்சிபுரம் மாவட்டம், ஸ்ரீபெரும்புதூர் வட்டத்தில் உள்ள இருங்காட்டுக்கோட்டை கிராமத்தில் இரண்டு குளங்களைப் புனரமைத்து மக்கள் பயன்பாட்டிற்கு ஒப்படைத்துள்ளது.

இந்தத் திட்டமானது, கிராம மக்களுக்குப் பெரும் நிவாரணம் அளிக்கும் வகையில், ரூ.2.63 கோடி செலவில் மேற்கொள்ளப்பட்டுள்ளது.

💧 முக்கிய அம்சங்கள்

• கொள்ளளவு உயர்வு: புனரமைக்கப்பட்ட இரண்டு குளங்களின் ஒட்டுமொத்த நீர் கொள்ளளவும் 151 மில்லியன் லிட்டராக (Million Litres) உயர்த்தப்பட்டுள்ளது.

• பயனாளிகள்: இதன் மூலம் விவசாயம் மற்றும் வீட்டு உபயோகத்திற்கான நீர் ஆதாரம் உறுதி செய்யப்பட்டு, இருங்காட்டுக்கோட்டை கிராமம் மற்றும் சுற்றுப்புறப் பகுதியில் வாழும் சுமார் 5,000 பொதுமக்கள் பயனடைவர்.

• நிலைத்தன்மை இலக்குகள்: இந்தச் செயல்பாடுகள், ஐக்கிய நாடுகளின் நிலையான வளர்ச்சி இலக்குகள் (SDG) 6 (சுகாதாரமான நீர் மற்றும் சுகாதாரம்), SDG 13 (காலநிலை நடவடிக்கை) மற்றும் SDG 11 (நிலைப்புத்தன்மையும், ஆரோக்கியமான சமூகத்தை உருவாக்குதல்) ஆகியவற்றை மேம்படுத்துவதாக உள்ளது.

🏗️ மேற்கொள்ளப்பட்ட புனரமைப்புப் பணிகள்

HMIF-இன் H₂OPE திட்டத்தின் கீழ் மேற்கொள்ளப்பட்ட புனரமைப்புப் பணிகளில், நீர் கொள்ளளவை அதிகரிக்க குளங்களை ஆழப்படுத்துதல் மற்றும் சுத்தம் செய்தல் ஆகியவற்றுக்குப் பிரதான முக்கியத்துவம் கொடுக்கப்பட்டது.

• குளக்கரைகள் பலப்படுத்தப்பட்டு, எளிதான பயன்பாட்டிற்காகப் படிகள் மற்றும் நடைபாதைகள் அமைக்கப்பட்டுள்ளன.

• பாதுகாப்பிற்காகச் சூரிய ஆற்றல் விளக்குகள் (Solar Lights) மற்றும் குளத்தைச் சுற்றி சுற்றுச்சுவர் அமைக்கப்பட்டுள்ளது.

• சுற்றுச்சூழலை மேம்படுத்தும் வகையில் நாட்டு மரங்கள் நடப்பட்டுள்ளன.

சமூகப் பங்கேற்பை உறுதி செய்ய, கிராமப் பஞ்சாயத்தின் முழு ஆதரவுடன் விழிப்புணர்வுப் பிரச்சாரங்கள் மற்றும் தூய்மை முகாம்களும் ஏற்பாடு செய்யப்பட்டன. களத்தில் ஹேண்ட் இன் ஹேண்ட் இந்தியா அமைப்பு ஆதரவு வழங்கியது.

🌿 மேஷம் முதல் மீனம் வரை |
2026-ம் ஆண்டு ராசி பலன்கள்

நற்பலன்களை பெற என்ன செய்யவேண்டும்..  பாக்கியம் பெருகும்! | தெய்வ அருள் உங்களை தழுவும்  | தவறாமல் படிக்கவும் ⚡

🛒 புதிய தகவல் இதோ 👇

 

ஹூண்டாயின் நோக்கம்

HMIF அறங்காவலரான திரு. C S கோபால கிருஷ்ணன், "நீர் என்பது வாழ்வு மற்றும் நிலைத்த வளர்ச்சிக்கு அடித்தளம். எங்கள் H₂OPE திட்டத்தின் மூலம், நீரைப் பாதுகாப்பது மட்டுமின்றி, மக்களின் வாழ்வியலை மேம்படுத்த நீண்டகாலத் தீர்வுகளை அளிப்பதிலும் அக்கறை கொண்டுள்ளோம். இது, ஹூண்டாயின் ‘மனிதகுலத்திற்கான முன்னேற்றம்’ (Progress for Humanity) என்ற உலகளாவிய தொலைநோக்குப் பார்வையைப் பிரதிபலிக்கிறது" என்று கூறினார்.

புனரமைக்கப்பட்ட குளங்கள், மாவட்ட அதிகாரிகள் மற்றும் கிராமப் பொதுமக்கள் முன்னிலையில், கிராம பஞ்சாயத்து தலைவர் திரு. சிவகுமார் S மற்றும் பஞ்சாயத்து யூனியன் கவுன்சிலர் திரு. செந்தில்ராஜன் S ஆகியோரிடம் முறையாக ஒப்படைக்கப்பட்டன.

இவ்வாறு ஹூண்டாய் மோட்டார் இந்திய அறக்கட்டளை, H1, சிப்காட் தொழிற்பேட்டை, இருங்காட்டுக்கோட்டை, ஸ்ரீபெரும்புதூர் தாலுக்கா, காஞ்சிபுரம் மாவட்டம், தமிழ்நாடு – 602 117 சார்பில் தெரிவிக்கப்பட்டது.