காஞ்சிபுரம் எச்சூர் கிராமத்தில் விவசாயிகள் சிப்காட் அமைக்க எதிர்ப்பு!
காஞ்சிபுரம் மாவட்டம் எச்சூர் ஊராட்சியில் விவசாயிகள் சிப்காட் நிறுவனம் நிலங்களை எடுத்துக் கொள்ள எதிர்ப்பு தெரிவித்து மாவட்ட ஆட்சியரிடம் மனு அளித்துள்ளனர். பயிர் செய்யும் நிலங்கள் மற்றும் வாழ்வாதாரம் பாதிக்கப்படாமல் தடைவிட கோரிக்கை.
காஞ்சிபுரம்:
காஞ்சிபுரம் மாவட்டம் சுங்குவார் சத்திரம் அடுத்த எச்சூர் ஊராட்சியில் சுமார் 1000 ஏக்கர் பரப்பளவில் விவசாயம் நடைபெற்று வருகிறது.
இதில் உள்ள A-Block மற்றும் B-Block பகுதிகளில், சிப்காட் நிறுவனம் நிலங்களை எடுத்துக் கொண்டு கட்டிடப்பணிகள் செய்ய திட்டமிட்டுள்ளது. இதற்காக விவசாயிகள் மற்றும் பொதுமக்கள் எதிர்ப்பு தெரிவித்து வருகின்றனர்.
விவசாயிகள் புகார் கூறுகின்றனர்:
“பயிர் செய்யும் நஞ்சை நிலங்களை சிப்காட் நிறுவனம் எடுத்துக் கொண்டால், விவசாயம் பாதிக்கப்படும் மட்டுமல்லாது, பொதுமக்களின் வாழ்வாதாரத்துக்கும் நெருக்கடி ஏற்படும்.”
இதனால், விவசாயிகள் மாவட்ட ஆட்சியரை நேரில் சந்தித்து மனு அளிக்க வந்துள்ளனர், எனினும் மாவட்ட ஆட்சியர் பணியினால் வெளியே இருப்பதால், நேர்முக உதவியாளரை சந்தித்து மனு அளித்து விட்டு சென்றனர்.
விவசாயிகள் கோரிக்கை:
எச்சூர் நஞ்சை நிலங்களை விவசாயம் செய்யும் மற்றும் பொதுமக்களை பாதிக்காத வகையில் சிப்காட் நிறுவனம் பயன்படுத்தாமல் அரசு தடையீடு விதிக்க வேண்டும்.
No comments
Thank you for your comments