விருத்தாசலம் நகராட்சி மன்ற கூட்டத்தில் பல்வேறு கோரிக்கைகள் முன்வைப்பு

 விருத்தாசலம், 17 செப்டம்பர் 2025 – 

கடலூர் மாவட்டம் விருத்தாசலம் நகராட்சி அலுவலகத்தில் நகர்மன்ற கூட்டம் நடைபெற்றது. இந்த கூட்டத்தில் நகர்மன்ற தலைவர் டாக்டர் சங்கவி முருகதாஸ் தலைமையேற்றார். துணைத் தலைவர் ராணி தண்டபாணி முன்னிலை வகித்தார். நகராட்சி ஆணையாளர் பானுமதி வரவேற்புரை வழங்கினார்.

✨ ஆயிரம் யாக பலன் தரும் புனித நாள் 🙏"

கூட்டத்தில் நகராட்சி வரவு–செலவு கணக்கீடுகள் மற்றும் பல்வேறு தீர்மானங்கள் கவுன்சிலர்களின் பார்வைக்கு வைக்கப்பட்டன. இதில் கவுன்சிலர்கள் பல்வேறு பொதுமக்கள் சார்ந்த கோரிக்கைகளை முன்வைத்தனர்.

முக்கிய கோரிக்கைகள்

• புதிய தார்சாலை வசதிகள் செய்து தர வேண்டும்.

• கல்வெட்டு பாலங்கள் அமைத்து தர வேண்டும்.

• கழிவுநீர் கால்வாய் வசதிகளை சீரமைக்க வேண்டும்.

• குடிநீர் தட்டுப்பாட்டை நீக்கும் நடவடிக்கை எடுக்க வேண்டும்.

• கஸ்பா பகுதியில் உள்ள சுகாதார வளாகத்தை சீரமைத்து தர வேண்டும்.

• மணிமுத்தாறு பாலத்தில் தேங்கி நிற்கும் கழிவுநீரை தூர்வார நடவடிக்கை எடுக்க வேண்டும்.

• பஸ் நிலையத்தில் போக்குவரத்திற்கு இடையூறு விளைவிக்கும் கடைகளை அகற்ற வேண்டும்.

• பஸ் நிலையத்தில் உள்ள உணவகங்கள் தங்களது விருப்பப்படி விலை நிர்ணயம் செய்து வருகின்றன. இதற்கு கட்டுப்பாடு விதிக்க வேண்டும்.

• பஸ் நிலையத்துக்குள் மோட்டார் சைக்கிள்கள் நுழையாமல் தடுப்பு நடவடிக்கை எடுக்க வேண்டும்.

• முல்லா ஏரி ஆக்கிரமிப்புகளை முழுமையாக அகற்றி, ஏரியை தூர்வார வேண்டும்.

• வடக்கு பெரியார் நகர் பகுதியில் ரேஷன் கடை அமைக்க வேண்டும்.

• தெருக்களில் சுற்றித்திரியும் ஆடு, மாடுகள், நாய்களை பிடித்து அப்புறப்படுத்த வேண்டும்.

இந்தக் கோரிக்கைகள் அனைத்தையும் விரைவில் நிறைவேற்றுவதாக நகர்மன்ற தலைவர் டாக்டர் சங்கவி முருகதாஸ் மற்றும் நகராட்சி ஆணையாளர் பானுமதி உறுதியளித்தனர்.

கூட்டத்தில் அனைத்து நகர்மன்ற உறுப்பினர்களும் பங்கேற்றனர்.

---

📌 செய்தியாளர்: R. காமராஜ் – 📞 9080215691

📌 ஒளிப்பதிவாளர்: V. வேல்முருகன் – 📞 8072117545