விருத்தாசலத்தில் உங்களுடன் ஸ்டாலின் திட்ட முகாமை அமைச்சர் சி.வெ.கணேசன் தொடங்கி வைத்தார்

 விருத்தாசலம் | 13 செப்டம்பர் 2025

கடலூர் மாவட்டம், திட்டக்கு வட்டம், கோவிலூர் அரசு மேல்நிலைப் பள்ளியில் நடைபெற்ற “உங்களுடன் ஸ்டாலின்” திட்ட முகாமை, தொழிலாளர் நலன் மற்றும் திறன் மேம்பாட்டு துறை அமைச்சர் திரு. சி.வெ. கணேசன் அவர்கள் மாவட்ட ஆட்சித்தலைவர் திரு. சிபி ஆதித்யா செந்தில்குமார், இ.ஆ.ப., முன்னிலையில் தொடங்கி வைத்தார்.

இந்த நிகழ்வில், 430 பயனாளிகளுக்கு ரூ.91.77 இலட்சம் மதிப்பிலான அரசு நலத்திட்ட உதவிகள் வழங்கப்பட்டன.

முதலமைச்சரின் திட்டங்களை அமைச்சர் வலியுறுத்தினார்

அமைச்சர் தனது உரையில்:

• பொதுமக்களின் வாழ்வாதாரம் மேம்பட,

• அடிப்படை வசதிகள் வலுப்பெற,

கலைஞர் மகளிர் உரிமைத்தொகை, மகளிர் விடியல் பயணம், தமிழ்ப்புதல்வன், புதுமைப்பெண் திட்டம் போன்ற பல்வேறு திட்டங்களை முதலமைச்சர் செயல்படுத்தி வருவதாகக் கூறினார்.

மேலும், பொதுமக்கள் அன்றாடம் அணுகும் அரசுத் துறைகளின் சேவைகளை, மக்கள் வசிக்கும் இடத்திலேயே வழங்குவதற்காக, “உங்களுடன் ஸ்டாலின்” திட்டம் 15.07.2025 அன்று சிதம்பரத்தில் முதலமைச்சர் துவக்கி வைத்ததாக தெரிவித்தார்.

கடலூர் மாவட்டத்தில் முகாம்கள் நிலவரம் :

மொத்தம் 378 சிறப்பு முகாம்கள் நடத்தப்படவுள்ளன.

• நகர்புறம் – 130

• ஊரகம் – 248

இதுவரை 222 முகாம்கள் நடத்தப்பட்டு,

• 79,356 மனுக்கள் பெறப்பட்டுள்ளன.

• அதில் 20,725 மனுக்கள் தீர்வு கண்டுள்ளன.

• மகளிர் உரிமைத் தொகைக்கு மட்டும் 54,685 மனுக்கள் பெறப்பட்டுள்ளன.

இந்த முகாம்களில்:

• நகர்புறத்தில் 13 துறைகளின் 43 சேவைகள்

• ஊரகப் பகுதிகளில் 15 துறைகளின் 46 சேவைகள் வழங்கப்படுகின்றன.

இ-சேவை வசதிகள் உடனடியாக வழங்கப்படுகின்றன. விண்ணப்பங்கள் பதிவேற்றம் செய்து தகுதி அடிப்படையில் பரிசீலித்து தீர்வு செய்யப்படும்.

இன்றைய தின நலத்திட்ட உதவிகள் :

• வருவாய்த்துறை: 101 பயனாளிகளுக்கு ₹67,90,000 மதிப்பில் இலவச வீட்டு மனைப்பட்டா, பட்டா மாற்றம், நத்தம் பட்டா, 20 புதிய குடும்ப அட்டைகள்.

• தொழிலாளர் நலவாரியம்: 256 பயனாளிகளுக்கு ₹5,61,500 கல்வி உதவித்தொகை & அட்டைகள்.

• தோட்டக்கலைத்துறை: 2 பயனாளிகளுக்கு விதைத் தொகுப்பு (₹10,060).

• மருத்துவம் & மக்கள் நல்வாழ்வு துறை: 4 பயனாளிகளுக்கு ஊட்டச்சத்து பெட்டகம்.

• கூட்டுறவுத்துறை: 47 பயனாளிகளுக்கு கால்நடை பராமரிப்பு உதவி (₹18,16,000).

➡️ மொத்தம்: 430 பயனாளிகள் – ₹91,77,560 மதிப்பிலான உதவிகள் வழங்கப்பட்டன.

கலந்து கொண்டோர் :

• துணை ஆட்சியர் முத்திரைத்தாள் தனலட்சுமி
• விருத்தாசலம் வருவாய் கோட்டாட்சியர் விஷ்ணுப்பிரியா
• பல துறை அலுவலர்கள்

---

📸 செய்தியாளர்: R. காமராஜ் – 9080215691

🎥 ஒளிப்பதிவாளர்: V. வேல்முருகன் – 8072117545