விருத்தாசலத்தில் பேரறிஞர் அண்ணாவின் 117வது பிறந்தநாள் விழா கொண்டாட்டம் - Anna 117th Birth Anniversary Celebration Virudhachalam DMK

விருத்தாசலம் :  

தமிழக முன்னாள் முதலமைச்சர் பேரறிஞர் அண்ணா அவர்களின் 117வது பிறந்தநாள் விழா இன்று சிறப்பாகக் கொண்டாடப்பட்டது.

இதை முன்னிட்டு, கடலூர் மேற்கு மாவட்ட திமுக செயலாளர் மற்றும் தொழிலாளர் நலன் & திறன் மேம்பாட்டு துறை அமைச்சர் சி.வெ. கணேசன் அவர்கள், விருத்தாசலம் ஸ்டேட் பாங்க் அருகே அமைந்துள்ள அண்ணா திருவுருவ சிலைக்கு மாலை அணிவித்து மரியாதை செலுத்தினார்.

பின்னர், பொதுமக்களுக்கு இனிப்புகள் வழங்கப்பட்டு, வாழ்த்து கோஷங்கள் எழுப்பப்பட்டன.

இந்நிகழ்ச்சியில் நகர மன்ற தலைவர் சங்கவி முருகதாஸ், நகர செயலாளர் தண்டபாணி, நகர துணை செயலாளர் ராமு, மாவட்ட இளைஞரணி அமைப்பாளர் எம். எஸ். கணேசன்குமார் உள்ளிட்ட ஏராளமான திமுக நிர்வாகிகள், தொண்டர்கள் மற்றும் பொதுமக்கள் பங்கேற்றனர்.