வணிக கட்டிட உரிமையாளர்களுக்கு உடந்தையாக செயல்படும் வேலூர் மாநகராட்சி – தகவல் அறியும் உரிமைச் சட்டத்தின் கீழ் உண்மை தகவல் வழங்காமல் மறைப்பு - உரிய விசாரணை தேவை

 

வேலூர் மாநகரில் வணிக கட்டிட உரிமையாளர்கள் செய்யும் சில தவறுகள் மற்றும் விதிமீறல்களுக்கு வேலூர் மாநகராட்சி உடந்தையாக செயல்படுவதாக சமூக ஆர்வலர்கள் மற்றும் பொதுமக்கள் குற்றம் சாட்டியுள்ளனர். 

வேலூர் மாநகராட்சியில் தகவல் அறியும் உரிமைச் (RTI) சட்டத்தின் கீழ் கோரப்பட்ட தகவல்களுக்கு முறையான பதில்கள் வழங்கப்படாமல்  வணிக கட்டிட உரிமையாளர்களுக்கு  சாதகமாகவும் விதிமீறல்களுக்கு உடந்தையாகவும் செயல்பட்டு தகவல் அறியும் உரிமைச் (RTI) சட்டத்தின் விதிக்கு விரோதமாக, சட்டத்துக்கு புறம்பாக  வேலூர் மாநகராட்சி பொது தகவல் அலுவலர்கள் தகவல் வழங்குவது வாடிக்கையாக உள்ளது என்று சமூக ஆர்வலர்களும் பொதுமக்களும் குற்றம் சாட்டியுள்ளனர். 

பொதுமக்களின் நலனுக்காக, மாநகராட்சி நிர்வாகம் இதுபோன்ற கேள்விகளுக்கு நேர்மையான, முறையான பதில்களை அளிக்க வேண்டும் என்பதே சமூக ஆர்வலர்களின் கோரிக்கை.

தகவல் அறியும் உரிமைச் சட்டம்: 

இந்த சட்டம், மக்களுக்கு அரசு நடவடிக்கைகள் மற்றும் கொள்கைகளைப் பற்றிய தகவல்களைப் பெற உரிமையை வழங்குகிறது.  இதன் மூலம், அரசு அதிகாரிகள் மக்களிடம் பதிலளிக்க வேண்டும் என்பதும், நிர்வாகத்தின் நம்பகத்தன்மை மேம்படுத்தப்பட வேண்டும் என்பதும் சட்டத்தின் முக்கிய நோக்கம். 

ஆனால், வேலூர் மாநகராட்சி தகவல்களை வெளிப்படுத்தாமல், வணிக கட்டிட உரிமையாளர்களின் தவறுகளை மறைப்பதில் உதவி செய்கிறது என்றும் ஒருதலைபட்சமாக செயலாற்றுவதாகவும் குற்றச்சாட்டு பல இடங்களில் எழுந்துள்ளது.

30 நாட்கள்

தகவல் அறியும் உரிமைச் சட்டம் (RTI Act) படி, அரசு மற்றும் பொது துறைகள், 30 நாட்களுக்குள் கேட்கப்பட்ட தகவல்களை வழங்க வேண்டும். ஆனால் வேலூர் மாநகராட்சியில் 30 நாட்கள் கடந்தும் தகவல் அளிப்பதில்லை என்ற புகாரும் எழுந்துள்ளது. 

அறிக்கை அளிக்காமல் இருந்தால்: 

30 நாட்களுக்குள் பதில் தகவல் வழங்காமல் இருந்தால், தகவல் ஆணையத்தில் (State Information Commission) சென்று புகார் அளிக்கலாம். அவ்வாறு புகார் அளித்தால்,  வேலூர் மாநகராட்சி பொது தகவல் அலுவலர்கள் மீது சட்ட நடவடிக்கை பாயும் என்பதில் ஐயமில்லை. இதுகுறித்து சமூக ஆர்வலர் கூறியதாவது, 

இதே போக்கு வேலூர் மாநகராட்சியில் கையாண்டால் தமிழ்நாடு தகவல் ஆணையத்தில்  (TN State Information Commission ) புகார் அளிப்பது உறுதி என்று தெரிவித்தார்.

சமூக ஆர்வலர்கள்-பொதுமக்களின் கேள்வி: 

சமூக ஆர்வலர்கள் மற்றும் பொதுமக்கள், குறிப்பாக  வணிக கட்டிட உரிமையாளர்களால் ஏற்படும் குறைகள் குறித்து சுட்டிக்காட்டி, மாநகராட்சி அதிகாரிகளிடம் நடவடிக்கை எடுக்க வேண்டும் என கோரிக்கை வைத்துள்ளனர். 

ஆனால், தகவல் அறியும் உரிமை சட்டத்தின் கீழ் கேட்கப்பட்ட கேள்விகளுக்கு மிகச் சரியான பதில்கள் கிடைக்காத நிலை, இந்த பிரச்சினையை மேலும் சிக்கலாக்கியுள்ளது.

சட்டத்துக்கு புறம்பாக தகவல்களை மறைப்பது: 

வணிக கட்டிட உரிமையாளர்களின் தவறுகள், நிர்வாகத்தின் கண்மூடித்தனமாக அனுமதிக்கப்படும் போது, அது பொதுநலத்திற்கு தீங்கு விளைவிக்கும் என்பது மிகத் தெளிவாக உள்ளது. 

தகவல்களை வெளிப்படுத்துவதற்கான பொறுப்பை தவிர்க்கும் மாநகராட்சி, அதனால் நன்மை காணும் சில  வணிக கட்டிட உரிமையாளர்களுக்கு ஆதரவாக செயல்படுவதாக பலர் குற்றம் சாட்டுகின்றனர். இதனால், மாநகராட்சியின் செயல்பாடுகளில் மக்கள் நம்பிக்கையை இழந்துள்ளனர். 

 கோரிக்கை: 

வேலூர் மாவட்ட ஆட்சியர் மற்றும் வேலூர் மாநகராட்சி ஆணையர்  இதற்கான விசாரணை நடத்தி, தேவையான நடவடிக்கைகள் எடுக்க வேண்டும் என்ற சத்தம் எழுந்துள்ளது. நகரின் பொது நலத்தை பாதுகாக்கும் வகையில், இந்த புகார்கள் பற்றிய முழுமையான தீர்வு காண்பதற்கான முயற்சிகள் எடுக்கப்படுமா என்பதை பொறுத்திருந்து பார்ப்போம்.

தொடர்ந்து, நகராட்சி நிர்வாக இயக்குநரகம் இந்த பிரச்சினைக்கு முறையான தீர்வு எடுக்குமா அல்லது தற்போதைய நிலையில் இது அப்படியே தொடருமா என்பதே பொதுமக்களிடையே எழுந்துள்ள கேள்வியாகும்.

அதிகாரப்பூர்வ இணையதளம்

தமிழ்நாடு தகவல் ஆணையம்  (TN State Information Commission ) 

click here >> https://www.tnsic.gov.in/