சுற்றுலா தொழில் முனைவோர்களுக்கு விருது அறிவிப்பு... உடனே விண்ணப்பிக்கலாம்...

தமிழ்நாடு சுற்றுலாத்துறை சார்பில், மாவட்டத்தில் உள்ள அனைத்து சுற்றுலா தொழில் முனைவோருக்கு உரிய தமிழ்நாடு சுற்றுலா விருதுகான விண்ணப்பங்கள் வரவேற்றப்படுகின்றன.

மாவட்ட ஆட்சித்தலைவர் திருமதி கலைச்செல்வி மோகன், இ.ஆ.ப., தெரிவித்ததாவது, 

 மாண்புமிகு சுற்றுலாத்துறை அமைச்சர் அவர்கள் 2021-22 ஆம் ஆண்டிற்கான சட்டமன்றக் கூட்டத் தொடரில் சுற்றுலா வளர்ச்சி மற்றும் மேம்பாட்டிற்காக 30 முக்கிய திட்டங்களை அறிவித்திருந்தார். 

தமிழ்நாடு சுற்றுலாத் துறையுடன் தொடர்புடைய பல்வேறு சுற்றுலாத் தொழில் முனைவோருக்கு மாநில சுற்றுலா விருதுகளை வழங்குவதற்கான வழிகாட்டுதல்களை உருவாக்குவது அத்தகைய முக்கிய அறிவிப்பாகும். தமிழ்நாடு சுற்றுலாத்துறை, உலக சுற்றுலா தினக்கொண்டாடத்தின் ஒரு பகுதியாக ஆண்டுதோறும் பல்வேறு சுற்றுலாத் தொழில் முனைவோருக்கு தமிழ்நாடு சுற்றுலா விருதுகளை வழங்க உள்ளது. 

இந்த விருதுகள் சுற்றுலாத் தொழில் முனைவோரையும், மாநிலத்தில் சுற்றுலா தொடர்புடைய செயல்பாடுகளை செயல்படுத்தும் சுற்றுலா தொழில் புரிவோரையும் ஊக்குவிக்கும். 

இந்த விருதுகள் பல்வேறு சுற்றுலா ஆப்ரேட்டர்கள், விமானநிறுவனங்கள், விடுதிகள், உணவகங்கள், சுற்றுலா வழிகாட்டிகள் மற்றும் மாநிலத்தின் சுற்றுலாவை மேம்படுத்துவதில் சாதகமாக பங்களிக்கும் பிற சுற்றுலா நிறுவனங்களுக்கு வழங்கப்படும். 

பின்வரும் 15 வெவ்வேறு பிரிவுகளில் உள்ள விருதுகளின் இரண்டாம் பதிப்பு 27.09.2023 அன்று வழங்கப்படும். விருது வகைகள் பின்வறுமாறு:

1. சிறந்த உள்வரும் சுற்றுலா ஆப்ரேட்டர்.
2. சிறந்தஉள்நாட்டு சுற்றுலா ஆப்ரேட்டர்.
3. சிறந்த பயண கூட்டாளர்.
4. சிறந்த விமான கூட்டாளர்.
5. சிறந்த தங்குமிடம்.
6. சிறந்த உணவகம்.
7. தமிழ்நாடு சுற்றுலா வளர்ச்சி கழகத்தில் சிறந்து செயலாற்றுபவர்.
8. சுற்றுலா ஆப்ரேட்டர்.
9. சிறந்த சாகச சுற்றுலா மற்றும் முகாம் தளம் ஆப்ரேட்டர்.
10. சிறந்த கூட்டங்கள் ஊக்குவிப்பு மாநாடு மற்றும் கண்காட்சி (எம்ஐசிஇ) அமைப்பாளர்.
11. சிறந்த சமூக ஊடகங்களில் செல்வாக்கு செலுத்துபவர்.
12. சிறந்த சுற்றுலா வழிகாட்டி.
13. தமிழ்நாடு பற்றிய சிறந்த விளம்பரம்.
14. சிறந்த சுற்றுலா ஊக்குவிப்பு விளம்பரப் பொருள்.
15. சுற்றுலா மற்றும் விருந்தோம்பலுக்கு சிறந்த கல்வி நிறுவனம்

மாவட்டத்தில் உள்ள அனைத்து சுற்றுலா தொழில் முனைவோரும் உரிய தமிழ்நாடு சுற்றுலா விருதுகளுக்கு விண்ணப்பிக்கலாம் என காஞ்சிபுரம்மாவட்டஆட்சித் தலைவர் தெரிவித்துக் கொள்கிறார். 

இந்த விருதுகள் உலக சுற்றுலா தினத்தன்று (27.09.2023) சென்னையில் வழங்கப்படும். அதற்கான இடம் பின்னர் அறிவிக்கப்படும். 

விண்ணப்பிக்க கடைசி நாள்: 15.08.2023 ஆகும். விண்ணப்பங்களை www.tntourismawards.com என்ற இணையதளத்தில் பதிவிறக்கம் செய்து பூர்த்தி செய்து அனுப்பி வைக்குமாறு மாவட்ட ஆட்சித்தலைவர் திருமதி கலைச்செல்வி மோகன், இ.ஆ.ப., அவர்கள் தெரிவித்துள்ளார்.

வெளியீடு: செய்தி மக்கள் தொடர்பு அலுவலர், காஞ்சிபுரம் மாவட்டம்.

The award categories are listed below:

 1. Best Inbound Tour operator

  2. Best Domestic Tour operator

  3. Best Travel partner

  4. Best Airline partner

  5. Best Accommodation

  6. Best Restaurant

  7. Tamil Nadu Tourism Development Corporation star performer

  8. Best Niche Tourism Operator

  9. Best Adventure Tourism and Camping site Operator

10. Best Meetings Incentives Conference and Exhibition (MICE)

  Organizer

11. Best Social Media lnfluencer

12. Best Tourist Guide

13. Best Advertisement on Tamil Nadu

14. Best Tourism Promotion Publicity Material

15. Best Educational Institution for Tourism and Hospitality