அடுக்குமாடி கட்டிடங்களுக்கு உள்கட்டமைப்பு கட்டணம் உயர்வு

சென்னை, மார்ச் 17-

சென்னையில் அடுக்குமாடி கட்டடங்களுக்கு உள்கட்டமைப்பு கட்டண உயர்வு ஏப்ரல் 1ம் தேதி முதல் நடைமுறைக்கு வருவதாக சி.எம்.டி.ஏ., தெரிவித்துள்ளது.

சென்னையில் உள்ள பல அடுக்குமாடி கட்டடங்களுக்கு கட்டமைப்பு மேம்பாட்டு கட்டணம் பெருநகர வளர்ச்சி குழுமம் மூலம் வசூலிக்கப்படுகிறது. சென்னையில் பல ஆயிரக்கணக்கான அடுக்குமாடி கட்டடங்கள் உள்ளன. இவற்றுக்கு அதன் சதுர மீட்டர் அளவுக்கேற்ப இக்கட்டணம் நிர்ணயிக்கப்படுகிறது.

கட்டமைப்பு மேம்பாட்டு கட்டணம் தற்போது சதுர மீட்டருக்கு ரூ.198 ஆக உள்ளது. அதனை ரூ.218 ஆக சி.எம்.டி.ஏ. உயர்த்தி உள்ளது. ஒரு சதுர மீட்டருக்கு ரூ.20 அதிகரிக்கப்பட்டுள்ளது. புதிய கட்டண உயர்வு ஏப்ரல் 1-ம் தேதி நடைமுறைக்கு வருவதாக சி.எம். டி.ஏ. தெரிவித்துள்ளது.