போக்சோ குற்றவாளிக்கு 7 வருட சிறை தண்டனை மற்றும் ரூ. 15 ஆயிரம் அபராதம் விதிப்பு

 கோவை  :

போக்சோ குற்றவாளிக்கு 7 வருட சிறை தண்டனை மற்றும் ரூ.15,000 அபராதம் விதித்து  நீதிமன்றம் தீர்ப்பு வழங்கியது.

துடியலூர் அனைத்து மகளிர் காவல் நிலைய எல்லைக்குட்பட்ட பகுதியில் 13 வயது சிறுமியை  பாலியல் பலாத்காரம் செய்த குற்றத்திற்காக கடந்த 2019-ஆம் ஆண்டு துடியலூர் அனைத்து மகளிர் காவல் நிலைய ஆய்வாளர்  அனித் குமார் (21)   என்பவர் மீது போக்சோ வழக்குப்பதிவு செய்தார். 

இவ்வழக்கு கோவை மாவட்டம், போக்சோ சிறப்பு நீதிமன்றத்தில் விசாரணை நடைபெற்று வந்தது. இவ்வழக்கின் விசாரணை முடிவுபெற்று குற்றவாளி  அனித்குமாருக்கு 7 வருடம் சிறை தண்டனை மற்றும் ரூபாய் 15,000/-அபராதம் விதித்து நீதிபதி தீர்ப்பளித்தார். 

இவ்வழக்கினை சிறந்த முறையில் புலன்விசாரணை மேற்கொண்ட  புலன்விசாரணை அதிகாரி மற்றும் சாட்சிகளை நீதிமன்றத்தில் சிறந்த முறையில் ஆஜர்படுத்திய நீதிமன்ற பெண் காவலர் 664 நிவேதா ஆகியோர்களை கோவை மாவட்ட காவல் கண்காணிப்பாளர்  பத்ரி நாராயணன்  பாராட்டினார்.