நன்னடத்தை ஆணையை மீறி குற்ற வழக்கில் ஈடுபட்டதால் 2 ரவுடிக்கு 338 நாட்கள் சிறை

காஞ்சிபுரம், டிச.17-

காஞ்சிபுரம் மாவட்ட காவல் கண்காணிப்பாளர் Dr.M.சுதாகர் அவர்கள் காஞ்சிபுரம் மாவட்டத்தில் பல்வேறு குற்ற வழக்குகளில் ஈடுபட்ட குற்றவாளிகள் மீது ஆக்கப்பூர்வ நடவடிக்கை மேற்கொள்ள அறிவுறுத்தியதிற்கிணங்க சிவகாஞ்சி காவல்நிலையத்தில் பல்வேறு வழக்குகளில் சம்மந்தப்பட்ட சரித்திர பதிவேடு ரவடிகளான 

1 ) சதீஷ் ( எ ) ஒட்டசதீஷ் ( 23 ) த/பெ.காளிதாஸ், எண்.51, வ.ஊ.சி தெரு, பல்லவர்மேடு மேற்கு, காஞ்சிபுரம் மற்றும் 

2 ) கோகுல் ( எ ) ஜெய்மோகன் ( 28 ) த/பெ.லட்சுமிநரசிமமன், எண்.59/56, பல்லவர்மேடு மேற்கு, காஞ்சிபுரம் 

ஆகியோரை 110 குவிமுச - வின் படி ஓராண்டிற்கு நன்னடத்தையில் இருக்கும்படி காஞ்சிபுரம் வருவாய் கோட்டாட்சியர் அவர்கள் மூலமாக 16.11.2021 அன்று ஆணை பிறப்பிக்கப்பட்டது. 

இந்நிலையில் மேற்படி, சதீஷ் ( எ ) ஒட்டசதீஷ் மற்றும் கோகுல் ( எ ) ஜெய்மோகன் ஆகியோர் 23.11.21 அன்று தனது கூட்டாளிகளுடன் பெரிய காஞ்சிபுரம், ராயன்குட்டை பள்ளத்தெருவைச் சேர்ந்த குமார் (48) த/பெ.கருணாநிதி என்பவரை கொலை முயற்சி செய்தது சம்மந்தமாக சிவகாஞ்சி காவல்நிலையத்தில் வழக்கு பதிவுசெய்யப்பட்டு நீதிமன்ற காவலில் அடைக்கப்பட்டனர். 

எனவே, மேற்படி நபர்களை நன்னடத்தை பிணையை மீறிய குற்றத்திற்காக 338 நாட்கள் சிறையில் அடைக்க காஞ்சிபுரம் வருவாய் கோட்டாட்சியர் அவர்கள் உத்தரவிட்டார்.