மின்னணு கடையில் பயங்கர தீ விபத்து

மதுரை, பிப்.26-

மதுரை டவுன்ஹால் ரோட்டில் உள்ள மின்னணு கடையில் ஏற்பட்ட தீ பரவி அந்த பகுதியில் உள்ள 15 கடைகள் எரிந்து நாசமாயின. இதனால், ரூ. 3 கோடி மதிப்புலான பொருட்கள் எரிந்து நாசமாயின. 

மதுரை டவுன்ஹால் ரோடு பெருமாள் தெப்பக்குளம் அருகே மின்னணு சாதனங்கள் விற்பனை செய்யும் 200 கும் மேற்பட்ட கடைகள் உள்ளன. 

இந்நிலையில் நேற்று 10.45 மணிக்கு டவுன்ஹால் ரோடு வடக்கு பெருமாள் தெப்பம்  திடீரென ஒரு மின்னணு கடையில் இருந்து புகை வருவதை பார்த்த அக்கம்பக்கத்தினர் உடனடியாக  தீயணைப்பு நிலையத்துக்கு தகவல் கொடுத்தனர்.

உடனடியாக டவுன் தீயணைப்புத் துறையினர் மற்றும் மீட்புக்குழுவினர் உள்ளிட்ட 5 க்கும் மேற்பட்ட தீயணைப்பு வாகனங்கள் 50க்கும் மேற்பட்ட தீயணைப்பு வீரர்கள் 5 மணி நேரமாக போராடி தீயை அணைத்தனர். ஒரு கடையில் ஏற்பட்ட தீ மளமளவென 15க்கும் மேற்பட்ட கடைகளில் பற்றி எரிந்தது. இதில்,  3 கோடி ரூபாய்  மதிப்புள்ள மின்னணு பொருட்கள் எரிந்து சாம்பலாயின. இந்த விபத்து குறித்து திடீர் நகர் போலீசார் வழக்கு பதிந்து விசாரணை நடத்தி வருகின்றனர்.