ஒலிம்பிக் போட்டியில் பதக்கம் வெல்ல முயற்சிப்பேன்: இந்திய ஜிம்னாஸ்டிக் வீராங்கனை தீபா கர்மாகர் உறுதி

டெல்லி, ஏப்.21-

ரியோ ஒலிம்பிக் ஒலிம்பிக் போட்டிக்கு தகுதி பெற்ற இந்திய ஜிம்னாஸ்டிக் வீராங்கனை தீபா கர்மாகருக்கு டெல்லியில் உற்சாக வரவேற்பு அளிக்கப்பட்டது.

பிரேசிலில் இருந்து டெல்லி திரும்பிய அவருக்கு,

விமான நிலையத்தில் கூடியிருந்தவர்கள் மாலை அணிவித்து சிறப்பான வரவேற்பு அளித்தனர். ஒலிம்பிக் போட்டிக்கு தகுதி பெற்றிருப்பது மகிழ்ச்சி அளிப்பதாக கர்மாகர் தெரிவித்தார். மேலும், ஒலிம்பிக் போட்டியில் பதக்கம் வெல்ல முயற்சிப்பேன் என்றும் தீபா தெரிவித்தார்.

ரியோ டி ஜெனிரோவில் நடந்த ஜிம்னாஸ்டிக் தகுதிச் சுற்றில் வெற்றி பெற்றதன் மூலம், ஒலிம்பிக் போட்டிக்கு தகுதி பெற்ற முதல் இந்திய வீராங்கனை என்ற சிறப்பை தீபா கர்மாகர் அண்மையில் பெற்றார்.