ஜெர்மனி பேட்மிண்டன்: சிந்து, ஸ்ரீகாந்த் வெற்றி

ஜெர்மனி , மார்ச்.3-

ஜெர்மனி கிராண்ட்பிரி கோல்டு சர்வதேச போட்டி அங்குள்ள மெல்ஹெய்ம் அன் டெர் ருர் நகரில் நடந்து வருகிறது. இதில்  நடந்த பெண்கள் ஒற்றையர் முதலாவது சுற்று ஆட்டம் ஒன்றில் இந்திய வீராங்கனை பி.வி.சிந்து 21-11, 21-13 என்ற நேர் செட் கணக்கில் அமெரிக்காவின் ரோங் ஸ்சாபரை வீழ்த்தினார். 

ஆண்கள் ஒற்றையர் முதலாவது சுற்று ஆட்டங்களில் இந்தியாவின் ஸ்ரீகாந்த் 12-21, 21-18, 21-11 என்ற செட் கணக்கில் போராடி ஜப்பானின் தகுமா யுடாவையும், காஷ்யப் (இந்தியா) 21-9, 21-9 என்ற நேர் செட் கணக்கில் உக்ரைனின் ஆர்டெம் போச்டாரெவ்வை தோற்கடித்தனர்.