"தவெக ஆட்சியைக் கவிழ்க்க சதியா?" - அமைச்சர் நிர்மல் குமாருக்கு நயினார் நாகேந்திரன் கண்டனம்!

 சென்னை | நவம்பர் 05, 2026

தமிழகத்தில் மின்சாரக் கொள்முதல் சர்ச்சை மற்றும் சிறை உடைப்பு சம்பவங்கள் குறித்து எழும் விமர்சனங்களைத் திசைதிருப்ப, தவெக ஆட்சியைக் கவிழ்க்க அதிமுகவும் பாஜகவும் சதி செய்வதாக அமைச்சர் நிர்மல் குமார் அபாண்டமாகப் பழி சுமத்துகிறார் என பாஜக மாநிலத் தலைவர் நயினார் நாகேந்திரன் சாடியுள்ளார்.

நயினார் நாகேந்திரன் எக்ஸ் (X) பதிவின் முக்கிய அம்சங்கள்:

துறை சார்ந்த தவறுகள் மறைப்பு: 

"ஒரு யூனிட் மின்சாரத்தை ரூ.41-க்கு கொள்முதல் செய்ய முயற்சித்ததில் தொடங்கி, சிறையிலிருந்து கைதிகள் தப்பியோடல் வரை தனது துறையில் நடக்கும் தவறுகளைத் தடுக்க வழியில்லாமல் அமைச்சர் நிர்மல் குமார் அபாண்டமான பழியைச் சுமத்துகிறார்." 

குதிரை பேர விமர்சனம்: 

"மாற்றுக் கட்சி எம்.எல்.ஏ-க்களை விலைபேசி இழுத்து இடைத்தேர்தலில் மட்டுமே கண்ணாக இருக்கும் தவெக, தற்போது மற்ற கட்சியினர் தவெக எம்.எல்.ஏ-க்களை வாங்க முயற்சிப்பதாகக் கூறுவது ஆகச் சிறந்த நகைமுரண்."

நிர்வாகத் திறனின்மை: 

"நீங்கள் எத்தனை போலி புகார்களை அடுக்கினாலும், உங்களின் நிர்வாகத் திறனின்மையையும் ஆட்சியின் சீர்கேடுகளையும் மறைக்க முடியாது. அடுத்தவரைக் குறை சொல்வதை விட்டுவிட்டு குடிமக்களின் நலனில் கவனம் செலுத்துங்கள்," என நயினார் நாகேந்திரன் வலியுறுத்தியுள்ளார்.

Short English Summary for Readers:

"False Allegations to Cover Up Incompetence": BJP Chief Nainar Nagendran Slams TVK Minister Nirmal Kumar

Chennai | November 05, 2026

BJP State President Nainar Nagendran rejected TVK Minister Nirmal Kumar's allegations that the BJP and AIADMK were conspiring to topple the TVK government. In a post on X, Nagendran stated that the Minister is making baseless accusations to cover up administrative failures in his department, including high-cost electricity procurement attempts and recent prison break incidents. He added that a party engaged in poaching opposition MLAs for by-elections accusing others of horse-trading is the ultimate irony.

அது கண்ணாடி, திரு. @CTR_Nirmalkumar அவர்களே! மக்களை அனுதினமும் விலைவாசியால் வதைக்கும் விதமாக ஒரு யூனிட்டை ₹41-க்கு மின்சாரக் கொள்முதல் செய்ய முயற்சித்ததில் தொடங்கி கைதிகள் தப்பியோடல் வரை, தொடர்ந்து தனது துறையில் நடக்கும் தவறுகளைத் தடுக்க வழி தெரியாமல், தற்போது தவெக ஆட்சியைக் கவிழ்க்க அதிமுகவும் பாஜகவும் சதி செய்வதாக அடிப்படையே இல்லாத ஒரு அபாண்டமான பழியை நீங்கள் சுமத்தியுள்ளதைப் பார்க்கையில் வேடிக்கையாக இருக்கிறது. மக்கள் அளித்த தீர்ப்பை அவமதித்து, வென்ற மாற்றுக் கட்சி வேட்பாளர்களை விலைபேசி வலை விரித்து இழுத்து, இடைத்தேர்தலில் மட்டுமே கண்ணாக இருக்கும் @TVKPartyHQ, தற்போது மற்ற கட்சியினர் தவெகவின் சட்டமன்ற உறுப்பினர்களை வாங்க முயற்சிப்பதாக சொல்வது ஆகச்சிறந்த நகைமுரண்! தங்களது இந்த மட்டமான பொய்யை மொக்கை காமெடி என்று மக்கள் கடந்துதான் செல்வார்களே ஒழிய, தங்களது மடைமாற்று வேலைகளுக்கு மடியமாட்டார்கள்! நீங்கள் எத்தனை போலிப் புகார்களை அடுக்கினாலும், அழுது புலம்பினாலும், உங்கள் மண்டை மேல் உள்ள கொண்டையான நிர்வாகத் திறனின்மையையும் தவெகவின் ஆட்சியினால் தொடரும் நிர்வாகச் சீர்கேடுகளையும் என்றும் மறைக்க முடியாது! எனவே, அடுத்தவரைப் பார்த்து வீணாக குறை சொல்லும் முன், முதலில் குதிரைப் பேரத்தை விடுத்து, குடிமக்களின் நலனில் கவனத்தைச் செலுத்துங்கள்!

— Nainar Nagenthran (@NainarBJP) November 5, 2026