“வடகிழக்கு பருவமழையை எதிர்கொள்ளத் தயார்!” - காஞ்சிபுரம் பரணிப்புத்தூரில் பொதுமக்களுடன் நடைபெற்ற சர்வதேச பேரிடர் தணிப்பு நாள் ஒத்திகை நிகழ்ச்சி!

காஞ்சிபுரம் | அக்டோபர் 13, 2026

வடகிழக்கு பருவமழை விரைவில் தொடங்க உள்ளதையொட்டி, காஞ்சிபுரம் மாவட்ட வருவாய் மற்றும் பேரிடர் மேலாண்மைத்துறை சார்பில் சர்வதேச பேரிடர் தணிப்பு நாளை முன்னிட்டு பொதுமக்கள் ஒத்துழைப்புடன் கூடிய மாபெரும் பேரிடர் மீட்பு ஒத்திகை நிகழ்ச்சி குன்றத்தூர் தாலுகா, பரணிப்புத்தூர் கிராமத்தில் இன்று நடைபெற்றது.

ஒத்திகை நிகழ்ச்சியின் முக்கிய அம்சங்கள்:

பேரிடர் கால பாதுகாப்பு: 

வடகிழக்கு பருவமழை காலங்களில் ஏற்படும் வெள்ளம் மற்றும் இயற்கை இடர்பாடுகளின் போது, பொதுமக்கள் எவ்வாறு பாதுகாப்பாக வெளியேறுவது, தங்களைப் பாதுகாத்துக் கொள்வது மற்றும் பிறரை மீட்ப்பது குறித்து செயல்முறை விளக்கம் அளிக்கப்பட்டது.

தீயணைப்புத்துறை & தன்னார்வலர்கள் பங்களிப்பு: 

தீயணைப்புத் துறையினர் மற்றும் பேரிடர் 'ஆப்தமித்ரா' தன்னார்வலர்கள் இணைந்து பொதுமக்கள் முன்னிலையில் ஆபத்து கால மீட்பு நடவடிக்கைகளை நேரடி ஒத்திகையாக நடித்துக் காட்டி விழிப்புணர்வை ஏற்படுத்தினர்.

பொதுமக்கள் பங்கேற்பு: 

பரணிப்புத்தூர் கிராமத்தில் நடைபெற்ற இந்நிகழ்ச்சியில் ஏராளமான பொதுமக்கள் கலந்துகொண்டு, அவசரகாலங்களில் எவ்வாறு செயல்பட வேண்டும் என்பது குறித்துப் பயிற்சி பெற்றுப் பயனடைந்தனர். காஞ்சிபுரம் மாவட்ட வருவாய் மற்றும் பேரிடர் மேலாண்மைத்துறையின் சார்பில் இதற்கான அனைத்து ஏற்பாடுகளும் ஒருங்கிணைக்கப்பட்டிருந்தது குறிப்பிடத்தக்கது.

Short English Summary for Readers:

Kanchipuram District Administration Conducts Disaster Management Mock Drill for North-East Monsoon

Kanchipuram | October 13, 2026

Ahead of the onset of the north-east monsoon, the Kanchipuram District Revenue and Disaster Management Department organized a mock drill in Baraniputhur village, Kundrathur taluk, to mark International Day for Disaster Reduction. Conducted with active public participation, the exercise featured live demonstrations by fire rescue personnel and 'Aapda Mitra' volunteers on emergency evacuation, flood response, and life-saving rescue techniques during natural disasters.