தஞ்சை காவல் நிலைய விசாரணை நிறைவு: எதிர்க்கட்சித் தலைவர் உதயநிதி ஸ்டாலின் விடுவிப்பு! தொண்டர்கள் உற்சாக வரவேற்பு!

தஞ்சாவூர், ஆகஸ்ட் 4:

தஞ்சாவூர் ஆர்ப்பாட்டத்தில் 'இரட்டை அர்த்தத்தில்' பேசியதாக எழுந்த சர்ச்சையைத் தொடர்ந்து இன்று காலை சென்னையில் கைதான சட்டப்பேரவை எதிர்க்கட்சித் தலைவர் உதயநிதி ஸ்டாலின், தஞ்சாவூரில் நடைபெற்ற காவல் நிலைய விசாரணைக்குப் பிறகு முறைப்படி விடுவிக்கப்பட்டார்.

📖 ALSO READ

💥 திரிகிரஹ யோகம்! ஆகஸ்ட் 3–9 வார ராசி பலன்கள்

கடகத்தில் உருவாகும் திரிகிரஹ யோகத்தால் இந்த வாரம் எந்த ராசிகளுக்கு அதிர்ஷ்டம், பணவரவு, தொழில் முன்னேற்றம், குடும்ப மகிழ்ச்சி கிடைக்கும் என்பதை முழுமையாக அறியுங்கள். ✨♈♉♊

 

சென்னை முதல் தஞ்சை வரை கொந்தளிப்பு

இன்று காலை சென்னை நீலாங்கரையில் உள்ள தனது இல்லத்தில் வைத்து தஞ்சாவூர் காவல்துறையினரால் உதயநிதி ஸ்டாலின் கைது செய்யப்பட்டார். அதைத் தொடர்ந்து காவல் துறை வாகனம் மூலம் அவர் தஞ்சாவூருக்கு அழைத்து செல்லப்பட்டார்.

அவரை ஏற்றி வந்த வாகனத்தை வழிநெடுகிலும் திமுக தொண்டர்கள் திரண்டு வந்து மறித்துப் போராட்டத்தில் ஈடுபட்டனர். அசம்பாவிதங்களைத் தவிர்க்கப் போலீஸார் தொண்டர்களை அப்புறப்படுத்திய நிலையில், இக்கைது நடவடிக்கையைக் கண்டித்துத் தமிழகம் முழுவதும் பல இடங்களில் திமுகவினர் தொடர் மறியல் போராட்டங்களில் ஈடுபட்டதால் ஆயிரக்கணக்கானோர் கைது செய்யப்பட்டனர்.

ஆகஸ்ட் மாத ராசி பலன்கள் 2026
உச்ச குரு + புதாதித்ய யோகம்!

👑 எந்த ராசிக்கு பணவரவு அதிகரிக்கும்?
இந்த 3 ராசிக்கு ராஜயோகம்  💰 உங்க ராசி இதில் இருக்கா? 

♈ மேஷம்♉ ரிஷபம்♊ மிதுனம்♋ கடகம்♌ சிம்மம்♍ கன்னி♎ துலாம்♏ விருச்சிகம்♐ தனுசு♑ மகரம்♒ கும்பம்♓ மீனம்

 

செங்கிப்பட்டி காவல் நிலையத்தில் விசாரணை & விடுதலை

நிகழ்வு	முழு விவரங்கள்
விசாரணை நடந்த இடம்	செங்கிப்பட்டி காவல் நிலையம், தஞ்சாவூர் மாவட்டம்
காவல் நிலையம் வந்த நேரம்	மாலை 6.45 மணி
விசாரணை காலம்	சுமார் 1½ மணி நேரம்
தற்போதைய நடவடிக்கை	நிலையப் பிணையில் (Station Bail) விடுவிப்பு

தஞ்சாவூர் மாவட்டம் செங்கிப்பட்டி காவல் நிலையத்திற்கு மாலை 6.45 மணியளவில் அழைத்து வரப்பட்ட உதயநிதி ஸ்டாலினிடம், வழக்கு தொடர்பாகக் காவல்துறையினர் தீவிர விசாரணை மேற்கொண்டனர். சென்னை உயர் நீதிமன்றத்தில் அரசு தரப்பில் அளிக்கப்பட்ட விளக்கத்தின் அடிப்படையில், விசாரணை நிறைவடைந்ததும் சுமார் ஒன்றரை மணி நேரத்திற்குப் பிறகு அவர் காவல் நிலையத்திலிருந்து விடுவிக்கப்பட்டார்.

திறந்த காரில் பயணித்த உதயநிதி: 

தொண்டர்கள் உற்சாகம்  உதயநிதி ஸ்டாலின் அழைத்து வரப்பட்ட காவல் துறை வாகனத்தைப் பின்தொடர்ந்து, அவரது சொந்த சொகுசு காரும் சென்னையிலிருந்து தஞ்சாவூருக்கு வந்திருந்தது.  காவல் நிலைய விசாரணை முடிந்து அவர் விடுவிக்கப்பட்டதும், தனது சொந்த காரில் ஏறினார். அப்போது காவல் நிலையத்திற்கு வெளியே திரண்டிருந்த ஆயிரக்கணக்கான திமுக தொண்டர்கள் முழக்கங்களை எழுப்பி உற்சாக ஆரவாரம் செய்தனர். 

தொண்டர்களின் வேண்டுகோளை ஏற்று காரின் மேற்கூரையைத் (Sunroof) திறந்து அதில் நின்றபடி உதயநிதி பயணித்தார். அவருக்கு தொண்டர்கள் உற்சாகமாக மலர் மாலைகளையும், திமுக சால்வைகளையும் அணிவித்து வரவேற்பு அளித்தனர்.  நாளை (ஆகஸ்ட் 5) தமிழகச் சட்டப்பேரவையின் மாநில பட்ஜெட் கூட்டத்தொடர் தொடங்கவுள்ள நிலையில், காவல் நிலைய விசாரணையை முடித்துக் கொண்டு உதயநிதி ஸ்டாலின் திருச்சி நோக்கிப் புறப்பட்டுச் சென்றுள்ளார். அங்கிருந்து அவர் சென்னை திரும்பிச் சட்டப்பேரவைக் கூட்டத்தொடரில் பங்கேற்பார் என எதிர்பார்க்கப்படுகிறது.