“அரசு புறம்போக்கு நிலத்தில் ஆக்கிரமிப்பு இறைச்சிக்கடை!” - பாதையை மீட்கக்கோரி ஆட்சியர் சினேகாவிடம் மனு!

 காஞ்சிபுரம் | ஆகஸ்ட் 17, 2026

காஞ்சிபுரம் மாவட்டம், வாலாஜாபாத் தாலுகா முத்தியால்பேட்டை ஊராட்சிக்கு உட்பட்ட பகுதியில் அரசு புறம்போக்கு நிலத்தை ஆக்கிரமித்து அமைக்கப்பட்டுள்ள இறைச்சிக்கடையை அகற்றி, பாதையை மீட்டுத் தரக் கோரி அப்பகுதியைச் சேர்ந்த பொதுமக்கள் மாவட்ட ஆட்சியரிடம் மனு அளித்துள்ளனர்.

ஆவணி மாத ராசி பலன்கள் 2026
[ ஆக.18  முதல் செப்.17 வரை ]
"சூரியன் ஆட்சி, குரு உச்சம்! 
கன்னியில் புதன் உச்சம்,  துலாமில் சுக்ரன் ஆட்சி

👑 எந்த ராசிக்கு பணவரவு அதிகரிக்கும்?
இந்த 5 ராசிக்கு யோகம்  💰 உங்க ராசி இதில் இருக்கா? 

♈ மேஷம்♉ ரிஷபம்♊ மிதுனம்♋ கடகம்♌ சிம்மம்♍ கன்னி♎ துலாம்♏ விருச்சிகம்♐ தனுசு♑ மகரம்♒ கும்பம்♓ மீனம்

காஞ்சிபுரம் மாவட்ட ஆட்சியர் அலுவலக வளாகத்தில் நடைபெற்ற மக்கள் குறைதீர்க்கும் நாள் கூட்டத்தில், முத்தியால்பேட்டை இந்திரா நகர் பகுதியைச் சேர்ந்த முருகன் என்பவர் காஞ்சிபுரம் மாவட்ட ஆட்சியர் திருமதி. தி. சினேகா, இ.ஆ.ப. அவர்களிடம் இக்கோரிக்கை மனுவை நேரில் சமர்ப்பித்தார்.

மனுவில் தெரிவிக்கப்பட்டுள்ள முக்கிய விவரங்கள்:

அரசு நில ஆக்கிரமிப்பு:

முத்தியால்பேட்டை ஊராட்சிக்கு உட்பட்ட சர்வே எண் 27-ல் அமைந்துள்ள அரசு புறம்போக்கு நிலத்தை 'ஏரிவாய் விநாயகமூர்த்தி' என்பவர் ஆக்கிரமித்து, அங்கே சட்டவிரோதமாக இறைச்சிக்கடை அமைத்துள்ளார்.

பொதுமக்கள் போக்குவரத்து பாதிப்பு:

இறைச்சிக்கடை ஆக்கிரமிப்பால் அப்பகுதியில் நாளுக்கு நாள் போக்குவரத்து நெரிசல் அதிகரிப்பதோடு, பொதுமக்கள் சென்று வர முடியாத அளவுக்குப் பெரும் இடையூறு ஏற்பட்டு வருகிறது.

சுடுகாட்டுப் பாதை முடக்கம்:

முத்தியால்பேட்டை கிராமத்தில் அசம்பாவிதம் அல்லது உயிரிழப்புகள் ஏற்படும் போது, சடலங்களைச் சுடுகாட்டிற்கு எடுத்துச் செல்ல இந்த பிரதான வழித்தடத்தையே பொதுமக்கள் பயன்படுத்தி வருகின்றனர். ஆக்கிரமிப்பு காரணமாக இறுதி ஊர்வலம் செல்லக்கூட வழித்தடம் இன்றி அப்பகுதி மக்கள் பெரும் சிரமத்திற்கு உள்ளாகி வருகின்றனர்.

பொதுமக்களின் கோரிக்கை:

பொதுமக்களின் அன்றாடப் போக்குவரத்துக்கும், சுடுகாட்டிற்குச் செல்லும் பாதைக்கும் பெரும் இடையூறாக இருக்கும் அரசு புறம்போக்கு நில ஆக்கிரமிப்பை உடனடியாக அகற்றி, ஆக்கிரமிக்கப்பட்ட பாதையை மீட்டு பொதுமக்கள் தடையின்றி பயன்படுத்த மாவட்ட நிர்வாகம் விரைந்து நடவடிக்கை எடுக்க வேண்டும் எனத் தனது மனுவில் முருகன் வலியுறுத்தியுள்ளார்.