“காங்கிரஸும் பாஜகவும் ஒரே ஜீன்!” - நீட் தேர்வு விவகாரத்தில் சி.வி. சண்முகம் அதிரடி பேட்டி!

சென்னை | ஆகஸ்ட் 18, 2026

சட்டப்பேரவையில் நீட் தேர்வு தொடர்பான காரசார விவாதத்தின் போது, “காங்கிரஸும் பாஜகவும் வேறு வேறு ஆட்களாக இருந்தாலும் இருவரது உடம்பிலும் இருப்பது ஒரே ‘ஜீன்’ தான். அவர்கள் அரசியல் செய்வதற்குத்தான் இந்த ‘நீட்’ உதவுகிறது” என முன்னாள் அமைச்சரும் அஇஅதிமுக மூத்த தலைவருமான சி.வி. சண்முகம் மிகக் கடுமையாகச் சாடியுள்ளார்.

ஆவணி மாத ராசி பலன்கள் 2026
[ ஆக.18  முதல் செப்.17 வரை ]
"சூரியன் ஆட்சி, குரு உச்சம்! 
கன்னியில் புதன் உச்சம்,  துலாமில் சுக்ரன் ஆட்சி

👑 எந்த ராசிக்கு பணவரவு அதிகரிக்கும்?
இந்த 5 ராசிக்கு யோகம்  💰 உங்க ராசி இதில் இருக்கா? 

♈ மேஷம்♉ ரிஷபம்♊ மிதுனம்♋ கடகம்♌ சிம்மம்♍ கன்னி♎ துலாம்♏ விருச்சிகம்♐ தனுசு♑ மகரம்♒ கும்பம்♓ மீனம்

 சட்டப்பேரவையில் வெடித்த ‘நீட்’ விவாதம்:

சட்டப்பேரவை நிகழ்வின் போது நீட் தேர்வு குறித்த காரசார விவாதம் நடைபெற்றது:

• பாஜக எம்.எல்.ஏ போஜராஜன்: "காங்கிரஸ் உறுப்பினர் பேசும்போது, தங்கள் ஆட்சிக் காலத்தில் தான் நீட் கொண்டுவரப்பட்டதாக ஒப்புக்கொண்டதற்கு நன்றி. ஆனால், உச்ச நீதிமன்றத்தின் உத்தரவு இருக்கும் நிலையில் எங்களால் அதை மாற்ற முடியாது."

• காங்கிரஸ் எம்.எல்.ஏ தாரகை கத்பர்ட்: "காங்கிரஸ் கொண்டு வந்த எத்தனையோ திட்டங்களை பாஜக அரசு திருத்தியுள்ள போது, நீட் தேர்வை மட்டும் திருத்துவதற்கு அவர்களுக்கு எவ்வளவு நேரம் ஆகும்?"

“ராஜீவ் காந்தி கொண்டுவந்த சட்டத் திருத்தம் முன்உதாரணம்!” - சி.வி. சண்முகம் ஆவேசம்:

இரு கட்சிகளின் விவாதத்தின் இடையே குறுக்கிட்டுப் பேசிய அதிமுக முன்னாள் அமைச்சர் சி.வி. சண்முகம் தெரிவித்ததாவது:

• ஒரே ஜீன்: "பாஜகவும் காங்கிரஸும் வேறு வேறாக இருந்தாலும், அவர்கள் உடலில் இருப்பது ஒரே ஜீன் தான். நீட்டை காங்கிரஸ் கொண்டுவந்தது; உச்ச நீதிமன்றத் தீர்ப்பின் அடிப்படையில் நாங்கள் தொடர்கிறோம் என பாஜக சொல்கிறது."

• சட்டத் திருத்தம் செய்ய முடியாதா?: "நாடாளுமன்றத்தில் சிறப்புச் சட்டம் இயற்றி, உச்ச நீதிமன்றத் தீர்ப்பைச் செல்லாததாக மாற்ற முடியாதா? இதற்கு முன்னுதாரணங்கள் உள்ளன. ராஜீவ் காந்தி பிரதமராக இருந்தபோது, முஸ்லிம் பெண்கள் விவாகரத்து ஜீவனாம்சம் தொடர்பான உச்ச நீதிமன்றத் தீர்ப்பை எதிர்த்து நாடாளுமன்றத்தில் சட்டம் இயற்றி அத்தீர்ப்பைச் செல்லாததாக மாற்றினார்."

• மாணவர்கள் வாழ்க்கை வைத்து அரசியல்: "அவர்களுக்கு (காங்கிரஸ் மற்றும் பாஜக) உண்மையிலேயே மனமிருந்தால் எப்போதோ நீட் தேர்வை ரத்து செய்து, மாணவர்களின் உயிரையும் எதிர்காலத்தையும் காப்பாற்றியிருப்பார்கள். ஆனால், இரு கட்சிகளுமே நீட் தேர்வை வைத்து அரசியல் செய்கின்றன; மாணவர்கள் மடிந்து கொண்டிருக்கிறார்கள்."