“அனைத்து எம்.எல்.ஏ-க்களுக்கும் அரசு சார்பில் கார்!” - மாதாந்திர கூடுதல் படி - ₹1 லட்சம் : பேரவையில் முதலமைச்சர் விஜய் அறிவிப்பு!

 சென்னை | ஆகஸ்ட் 19, 2026

தமிழ்நாடு சட்டப்பேரவையில் விதி 110-ன் கீழ் உரை நிகழ்த்திய முதலமைச்சர் விஜய், மக்கள் பிரதிநிதிகள் எவ்வித சமரசமுமின்றி நேர்மையாக தொகுதிப் பணியாற்ற ஏதுவாக, அனைத்து சட்டமன்ற உறுப்பினர்களுக்கும் அரசு சார்பில் வாகனம் மற்றும் உதவியாளர் படிகள் வழங்கப்படும் என்ற வரலாற்றுச் சிறப்புமிக்க அறிவிப்பை வெளியிட்டுள்ளார்.

விசிக எம்.எல்.ஏ-வின் கோரிக்கையும் சட்டப்பேரவைத் தலைவரின் பதிலும்:

கடந்த ஆகஸ்ட் 12-ம் தேதி நடைபெற்ற வரவு செலவுத் திட்ட (பட்ஜெட்) விவாதத்தின் போது பேசிய காட்டுமன்னார்கோவில் தொகுதி விசிக எம்.எல்.ஏ ஜோதிமணி, "பொருளாதார வசதி இல்லாத காரணத்தால் என்னிடம் சொந்தமாக கார் இல்லை. தொகுதி முழுவதும் சென்று ஆய்வு செய்ய வாடகைக்கு வாகனம் எடுத்தே செல்ல வேண்டிய நிலை உள்ளது. என்னைப்போன்ற பல முதல்முறை சட்டமன்ற உறுப்பினர்களின் நிலையும் இதுதான். அரசு இதனை கவனத்தில் கொண்டு வாகனம் மற்றும் உதவியாளர் வழங்க வேண்டும்" என கோரிக்கை விடுத்திருந்தார்.

இதற்குப் பதிலளித்துப் பேசிய பேரவைத் தலைவர் ஜே.சி.டி. பிரபாகர், "முதல்வரின் கரங்கள் கிள்ளிக் கொடுக்கும் கரங்கள் அல்ல; அள்ளிக் கொடுக்கும் கரங்கள். இக்கோரிக்கை முதல்வரின் கவனத்திற்கு கொண்டு செல்லப்படும்" எனக் கூறியிருந்தார்.

சட்டப்பேரவையில் முதல்வர் விஜய் உரை - முக்கிய அம்சங்கள்:

இன்று சட்டப்பேரவை கூடியதும் விதி 110-ன் கீழ் பேசிய முதல்வர் விஜய், இக்கோரிக்கையை ஏற்று சட்டமன்ற உறுப்பினர்களுக்காகப் பின்வரும் அறிவிப்புகளை வெளியிட்டார்:

ஆவணி மாத ராசி பலன்கள் 2026
[ ஆக.18  முதல் செப்.17 வரை ]
"சூரியன் ஆட்சி, குரு உச்சம்! 
கன்னியில் புதன் உச்சம்,  துலாமில் சுக்ரன் ஆட்சி

👑 எந்த ராசிக்கு பணவரவு அதிகரிக்கும்?
இந்த 5 ராசிக்கு யோகம்  💰 உங்க ராசி இதில் இருக்கா? 

♈ மேஷம்♉ ரிஷபம்♊ மிதுனம்♋ கடகம்♌ சிம்மம்♍ கன்னி♎ துலாம்♏ விருச்சிகம்♐ தனுசு♑ மகரம்♒ கும்பம்♓ மீனம்

 

• அனைத்து எம்.எல்.ஏ-க்களுக்கும் அரசு வாகனம்:

பண பலமோ, அரசியல் பின்னணியோ இன்றி எளிய சூழலில் இருந்து முதன்முறையாகத் தேர்ந்தெடுக்கப்பட்டுள்ள சட்டமன்ற உறுப்பினர்கள், பயணத் தேவைகளுக்காகப் பிறரைச் சார்ந்து இருப்பதைத் தடுக்கும் வகையில் அனைத்து எம்.எல்.ஏ-க்களுக்கும் அரசு சார்பில் சொந்தமாக வாகனம் (கார்) வழங்கப்படும்.

• மாதாந்திர வாகனப் படி - ₹75,000:

அரசு வழங்கும் வாகனத்தைப் பராமரிக்க, ஓட்டுநர் சம்பளம், எரிபொருள் (Fuel) மற்றும் இதர பராமரிப்புச் செலவுகளுக்காக மாதந்தோறும் ரூ.75,000/- வாகனப் படியாக வழங்கப்படும்.

• உதவியாளர் படி - ₹25,000:

தொகுதி அலுவலகப் பணிகளையும், மக்களின் மனுக்களையும் கையாளுவதற்கு ஏதுவாக ஓர் உதவியாளரை நியமித்துக் கொள்ள மாதந்தோறும் ரூ.25,000/- உதவியாளர் படியாக அளிக்கப்படும்.

முதல்வர் விஜய் பேச்சு:

"ஒரு சிலரிடம் பொருளாதார பலம் இல்லாததால் தொகுதிப் பணிகளைச் செய்ய சொந்த வாகனங்களோ, உதவியாளர்களோ வைத்துக்கொள்ள முடிவதில்லை. 'மக்களுக்கான நிர்வாகம் - நேர்மையின் பாதையில்!' என்ற கொள்கையின்படி, லஞ்ச லாவண்யமற்ற, வெளிப்படையான நிர்வாகத்தை அடித்தட்டு மக்களுக்கும் கொண்டு சேர்ப்பதே நமது த.வெ.க அரசின் முதன்மை நோக்கம். இதற்காகச் சட்டத்தில் உரிய திருத்தங்கள் மேற்கொண்டு அரசாணை வெளியிடப்படும்."

வரவேற்பும் எதிர்வினைகளும்:

முதல்வர் விஜய்யின் இந்த அறிவிப்பை இக்கோரிக்கையை முன்வைத்த விசிக எம்.எல்.ஏ ஜோதிமணி உள்ளிட்ட பல்வேறு கட்சி உறுப்பினர்களும், பாமக உறுப்பினர்களும் பலத்த கரவொலியுடன் வரவேற்றனர்.

மேலும், இதுகுறித்து கருத்து தெரிவித்த அமைச்சர் ராஜ்மோகன், "முதலமைச்சரின் இந்த அறிவிப்பின் மூலம் தமிழகம் முழுவதும் பலருக்குப் புதிய வேலைவாய்ப்புகள் (ஓட்டுநர்கள் மற்றும் உதவியாளர்கள்) உருவாகும்" எனத் தெரிவித்தார்.