வேப்பூர் அருகே அதிரடி: 419 கிலோ குட்கா பொருட்கள் காருடன் பறிமுதல் - போலீஸ் விசாரணை!

 வேப்பூர் | மார்ச் 13, 2026

கடலூர் மாவட்டம் வேப்பூர் அருகே தேசிய நெடுஞ்சாலையில் சந்தேகத்திற்கு இடமாக நின்ற காரை சோதனை செய்ததில், சுமார் 419 கிலோ தடை செய்யப்பட்ட புகையிலை பொருட்கள் (குட்கா) பறிமுதல் செய்யப்பட்டுள்ளன.

🔥  NDA கூட்டணியில் விஜய்?

2.5 வருஷம் EPS? 2.5 வருஷம் விஜய்?

கருணாநிதி vs ஸ்டாலின் 

 சுபியான் சொல்லும் 'வில்லன்' பிம்ப அரசியல்!  

சம்பவம் குறித்த விபரங்கள்:

சென்னை - திருச்சி தேசிய நெடுஞ்சாலையில் உள்ள சேப்பாக்கம் சிவ மடம் அருகே TN 12 T 0369 எண்ணைக் கொண்ட 'ஹூண்டாய் கிரெட்டா' (Hyundai Creta) கார் ஒன்று பழுதாகி நீண்ட நேரமாக நின்றுள்ளது. இது குறித்து அப்பகுதி மக்கள் அளித்த தகவலின் பேரில், வேப்பூர் காவல் ஆய்வாளர் பழனிச்சாமி தலைமையிலான போலீசார் சம்பவ இடத்திற்கு விரைந்து சோதனை நடத்தினர்.

பறிமுதல் மற்றும் நடவடிக்கை:

போலீசார் காரைத் திறந்து சோதனை செய்தபோது, அதில் மூட்டை மூட்டையாகத் தடை செய்யப்பட்ட குட்கா மற்றும் புகையிலை பொருட்கள் இருப்பது கண்டறியப்பட்டது.

• குட்கா எடை: சுமார் 419 கிலோ.

• வாகனம்: கடத்தல் தொழிலுக்குப் பயன்படுத்தப்பட்ட கார் பறிமுதல் செய்யப்பட்டது.

விசாரணை:

இந்தக் கடத்தலில் ஈடுபட்டவர்கள் யார்? இந்த குட்கா பொருட்கள் எங்கிருந்து எங்கு கொண்டு செல்லப்படுகின்றன? என்பது குறித்து வேப்பூர் போலீசார் வழக்குப் பதிவு செய்து தீவிர விசாரணை மேற்கொண்டு வருகின்றனர். காரின் பதிவு எண்ணை வைத்து அதன் உரிமையாளர் குறித்துத் தேடுதல் வேட்டை முடுக்கிவிடப்பட்டுள்ளது.

செய்தியாளர்: R. காமராஜ், விருத்தாசலம்.