"சொன்னதைச் செய்வார் ஸ்டாலின்": காஞ்சிபுரத்தில் உதயநிதி ஸ்டாலின் தேர்தல் பிரச்சார அதிரடி!

 காஞ்சிபுரம் | மார்ச் 30, 2026

தமிழகச் சட்டமன்றத் தேர்தலை முன்னிட்டு, திமுக வேட்பாளர்களை ஆதரித்துத் துணை முதலமைச்சர் உதயநிதி ஸ்டாலின் இன்று காஞ்சிபுரத்தில் தனது முதல் கட்டத் தேர்தல் பிரச்சாரத்தைத் தொடங்கினார்.

அண்ணா சிலைக்கு மரியாதை:

பிரச்சாரத்தைத் தொடங்கும் முன்பாக, காஞ்சிபுரத்தில் உள்ள முன்னாள் முதலமைச்சர் பேரறிஞர் அண்ணாவின் இல்லத்திற்குச் சென்ற உதயநிதி ஸ்டாலின், அங்குள்ள அண்ணாவின் திருவுருவச் சிலைக்கு மாலை அணிவித்து மரியாதை செலுத்தினார்.

திமுக வேட்பாளர்களுக்கு ஆதரவு:

காஞ்சிபுரம் தேரடி பகுதியில் திறந்த ஜீப்பில் நின்றவாறு உரையாற்றிய அவர், காஞ்சிபுரம் தொகுதி வேட்பாளர் நித்யா சுகுமார் மற்றும் உத்தரமேரூர் தொகுதி வேட்பாளர் க. சுந்தர் ஆகியோருக்கு 'உதயசூரியன்' சின்னத்தில் வாக்களிக்குமாறு மக்களிடம் கேட்டுக்கொண்டார்.

உதயநிதி ஸ்டாலின் உரையின் முக்கிய அம்சங்கள்:

• மகளிர் விடியல் பயணம்: "2021-ல் ஆட்சிப் பொறுப்பேற்றவுடன் முதலமைச்சர் மு.க. ஸ்டாலின் போட்ட முதல் கையெழுத்தே மகளிருக்கான இலவசப் பேருந்து பயணத் திட்டம்தான்."

• உரிமைத்தொகை உயர்வு: தற்போது 31 லட்சம் மகளிருக்கு வழங்கப்பட்டு வரும் ₹1,000 உரிமைத்தொகை, மீண்டும் ஆட்சிக்கு வந்தவுடன் ₹2,000 ஆக உயர்த்தி வழங்கப்படும்.

• கல்விச் சாதனைகள்: 10 லட்சம் மாணவர்களுக்கு மடிக்கணினி வழங்கப்பட்டுள்ளது. அடுத்த ஆட்சியில் இது 35 லட்சம் மாணவர்களுக்கு விரிவுபடுத்தப்படும். காலை உணவுத் திட்டம் தற்போது 5-ம் வகுப்பு வரை உள்ள நிலையில், இனி 8-ம் வகுப்பு வரை நீட்டிக்கப்படும்.

• முதியோர் உதவித்தொகை: முதியோர்களுக்கான உதவித்தொகை ₹1,000-லிருந்து ₹2,000 ஆக உயர்த்தப்படும்.

• காஞ்சிபுரத்திற்கான திட்டங்கள்: காஞ்சிபுரம் நகராட்சியை மாநகராட்சியாக மாற்றியது திமுக அரசுதான். ₹300 கோடியில் பாதாளச் சாக்கடைத் திட்டம் மற்றும் திருப்பாற்கடல் கூட்டுக் குடிநீர் திட்டம் நிறைவேற்றப்பட்டுள்ளது. ஏகாம்பரநாதர் கோயில் திருப்பணிகளுக்கு ₹30 கோடி ஒதுக்கப்பட்டு கும்பாபிஷேகம் நடத்தப்பட்டுள்ளது.

நினைவு இருக்கும் வரை - Ep 3 | Ninaivu Irukkum Varai | Tamil Web Series | 4K @K24TamilTV 

மத்திய அரசு மற்றும் எதிர்க்கட்சிகள் மீது விமர்சனம்:

"தமிழகத்தை மத்திய அரசு தொடர்ந்து புறக்கணித்து வருகிறது. எடப்பாடி பழனிசாமி அவர்கள் மோடியின் அடிமையாக இருந்து வருகிறார். தமிழகத்தை ஒதுக்கும் மோடியை நாம் ஒதுக்கி வைக்க வேண்டும். அமித்ஷா, மோடி ஆகியோரைத் தமிழகத்தில் நுழைய விடாதீர்கள்," என ஆவேசமாக உரையாற்றினார்.