ரூ.6 கோடியில் தாமல் ஏரி கரை பாதுகாப்புச் சுவர்! ரூ.43 லட்சத்தில் புதிய கட்டிடங்கள் - காஞ்சி எம்.எல்.ஏ எழிலரசன் அதிரடி நடவடிக்கை.

 காஞ்சிபுரம் :

காஞ்சிபுரம் சட்டமன்றத் தொகுதியில் விவசாயிகளின் நீண்ட நாள் கோரிக்கையை ஏற்று, தாமல் ஏரியைப் பாதுகாக்கவும், போக்குவரத்து வசதியை மேம்படுத்தவும் பல்வேறு வளர்ச்சித் திட்டப் பணிகளைச் சட்டமன்ற உறுப்பினர் சி.வி.எம்.பி. எழிலரசன் இன்று தொடங்கி வைத்தார்.

தாமல் ஏரி பாதுகாப்புச் சுவர் பணி: காஞ்சிபுரம் ஒன்றியக் குழுத் தலைவர் மலர்க்கொடி குமார் தலைமையில் நடைபெற்ற நிகழ்வில், தாமல் ஊராட்சி பெரிய ஏரியின் மதகு 1-ல் ஏரிக்கரை பாதுகாப்புச் சுவர் அமைக்கும் பணிக்கு எம்.எல்.ஏ எழிலரசன் அடிக்கல் நாட்டினார்.

செய்தியாளர் சந்திப்பில் எம்.எல்.ஏ வழங்கிய தகவல்கள்:

• தாமல் ஏரி 938.38 ஹெக்டேர் நிலப்பரப்புக்குச் சுமார் 6,030 மீட்டர் நீளமுள்ள கரையைக் கொண்டு பாசனம் அளிக்கும் முக்கிய ஏரியாகும்.

• மழைக்காலங்களில் ஏரிக்கரையில் மண் அரிப்பு ஏற்பட்டு, தாமல் - முசரவாக்கம் சாலையில் மண் படிவதால் விவசாய இயந்திரங்கள் செல்ல முடியாத நிலை ஏற்பட்டு வந்தது.

• இதனைத் தடுக்க, மதகு 6 முதல் கலங்கல் 1 வரை ஏரியின் பின்பக்க சரிவுப் பகுதியில் ரூ.6.00 கோடி மதிப்பீட்டில் தடுப்புச் சுவர் அமைக்கப்பட உள்ளது. இதன் மூலம் கிளார் மற்றும் முசரவாக்கம் பகுதி விவசாயிகள் பெரும் பயன் பெறுவர்.

புதிய திட்டங்கள் மற்றும் திறப்பு விழா:

• மேல்ஒட்டிவாக்கம்: கூத்திரமேடு பகுதியில் தொகுதி மேம்பாட்டு நிதி (2025-26) ரூ.10 லட்சம் மதிப்பீட்டில் புதிய கலையரங்கம் கட்ட அடிக்கல் நாட்டப்பட்டது.

• சாலபோகம் (புத்தேரி ஊராட்சி): தொகுதி மேம்பாட்டு நிதியின் கீழ் ரூ.15.50 லட்சத்தில் கட்டப்பட்ட அங்கன்வாடி மையம் மற்றும் ரூ.18 லட்சத்தில் கட்டப்பட்ட நவீன உடற்பயிற்சி கூடம் ஆகியவற்றை எம்.எல்.ஏ திறந்து வைத்தார்.

நிகழ்வின் இறுதியில் கூடியிருந்த பொதுமக்களுக்கு எம்.எல்.ஏ இனிப்புகளை வழங்கி மகிழ்ச்சியைப் பகிர்ந்து கொண்டார்.

பங்கேற்ற முக்கியப் பிரமுகர்கள்: மாவட்ட ஊராட்சி குழு துணைத் தலைவர் நித்யா சுகுமார், திமுக ஒன்றிய செயலாளர் பி.எம். குமார், தலைமைச் செயற்குழு உறுப்பினர் எம்.எஸ். சுகுமார், வட்டார வளர்ச்சி அலுவலர்கள் சாந்தி, காஞ்சனா மற்றும் ஊராட்சி மன்றத் தலைவர்கள், திமுக நிர்வாகிகள் எனப் பலரும் கலந்து கொண்டனர்.