மங்கலம்பேட்டை ஸ்ரீபட்டாபி ராமர் ஆலயத்தில் 11-ஆம் ஆண்டு ஆஞ்சநேயர் ஜெயந்தி: ஊர்வலத்தை துவக்கி வைத்தார் அஸ்வத்தாமன்!

 விருத்தாசலம், டிசம்பர் 20:

கடலூர் மாவட்டம் விருத்தாசலத்தை அடுத்த மங்கலம்பேட்டையில் அமைந்துள்ள ஸ்ரீபட்டாபி ராமர் ஆலயத்தில், 11-ஆம் ஆண்டு ஆஞ்சநேயர் ஜெயந்தி விழா இன்று மிக விமரிசையாக நடைபெற்றது. விழாவின் முக்கிய நிகழ்வாகப் பிரம்மாண்ட பக்தி ஊர்வலம் நடைபெற்றது.

 

ஊர்வலம் மற்றும் பங்கேற்பாளர்கள்:

மங்கலம்பேட்டை பஜனை மடத்தெரு அருகே அமைந்துள்ள இந்த ஆலயத்தில் நடைபெற்ற விழாவிற்கு, இந்து முன்னணி ஒன்றிய தலைவர் கமலக்கண்ணன் தலைமை தாங்கினார். பாஜக பிரச்சார பிரிவு மாநிலச் செயலாளர் ராஜேந்திரன், மாவட்ட முன்னாள் தலைவர் மணிகண்டன், ஒன்றியத் தலைவர் பரமசிவம் ஆகியோர் முன்னிலை வகித்தனர்.

பாஜக மாநிலச் செயலாளர் வக்கீல் அஸ்வத்தாமன் சிறப்பு அழைப்பாளராகக் கலந்துகொண்டு, கொடியசைத்து ஆஞ்சநேயர் ஜெயந்தி ஊர்வலத்தைத் துவக்கி வைத்தார். இதில் கோ.பூவனூர் சிவராமன், பாஜக மாவட்ட செயலாளர் வெங்கடேசன், அமைப்புசாரா பிரிவு மாநில செயலாளர் செல்வகுமார் உள்ளிட்ட கட்சி நிர்வாகிகள் மற்றும் நூற்றுக்கணக்கான பக்தர்கள் கலந்துகொண்டனர்.

பத்திரிகையாளர் சந்திப்பு:

ஊர்வலத்தைத் துவக்கி வைத்த பிறகு செய்தியாளர்களிடம் பேசிய பாஜக மாநில செயலாளர் அஸ்வத்தாமன், ஆஞ்சநேயர் ஜெயந்தியின் சிறப்புகள் குறித்தும், ஆன்மீகப் பண்பாடுகளைப் பாதுகாப்பதன் அவசியம் குறித்தும் கருத்துக்களைப் பகிர்ந்து கொண்டார்.

பலத்த போலீஸ் பாதுகாப்பு:

இந்த ஊர்வலத்தை முன்னிட்டு மாவட்ட காவல் கண்காணிப்பாளர் விஜயகுமார் தலைமையில் பலத்த பாதுகாப்பு ஏற்பாடுகள் செய்யப்பட்டிருந்தன. விருத்தாசலம் டி.எஸ்.பி பாலகிருஷ்ணன், பண்ருட்டி டி.எஸ்.பி ராஜா மற்றும் மங்கலம்பேட்டை, விருத்தாசலம் இன்ஸ்பெக்டர்கள் உட்பட சுமார் 70-க்கும் மேற்பட்ட போலீசார் பாதுகாப்புப் பணியில் ஈடுபட்டிருந்தனர். எந்தவித அசம்பாவிதமும் இன்றி ஊர்வலம் அமைதியாக நடைபெற்று முடிந்தது.

✍️ செய்தியாளர் : R. காமராஜ்
📞 தொடர்பு : 9080215691

🌿 மேஷம் முதல் மீனம் வரை |

2026-ம் ஆண்டு ராசி பலன்கள்

நற்பலன்களை பெற என்ன செய்யவேண்டும்..  பாக்கியம் பெருகும்! | தெய்வ அருள் உங்களை தழுவும்  | தவறாமல் படிக்கவும் ⚡

🛒 புதிய தகவல் இதோ 👇