🌴 ஆலங்குளம் பகுதியில் 1 லட்சம் பனை விதை விதைப்பு திட்டம் – முதற்கட்டமாக 3,000 விதைகள் நாட்டப்பட்டது! 🌴

தென்காசி மாவட்டம் ஆலங்குளம் பகுதியில் சுற்றுச்சூழல் பாதுகாப்பை முன்னிட்டு 1 லட்சம் பனை விதை விதைப்பதற்கான மிகப்பெரிய இலக்கு நிர்ணயிக்கப்பட்டுள்ளது. இதன் முதல்சட்டத்தின் ஒரு பகுதியாக இன்று 3,000 பனை விதைகள் விதைக்கப்பட்டன.

🌿தாமிரபரணி பாதுகாப்பு இயக்கத்தின் தொடர்ச்சி யான முயற்சி

2015ஆம் ஆண்டிலிருந்து தாமிரபரணி பாதுகாப்பு இயக்கம் மூலம்,

• குளக்கரை
• ஓடைக்கரை
• ஆற்றங்கரை
• கோயில் நிலம்
• கல்லறை தோட்டங்கள்

போன்ற சுற்றுச்சூழல் முக்கியத்துவம் வாய்ந்த பகுதிகளில் பனை விதைகள் விதைக்கப்பட்டு வருகின்றன. இதுவரை சுமார் 1.5 லட்சம் பனை விதைகள் விதைக்கப்பட்டுள்ளன.

🌴 சிறப்பாக வளர்ந்த பனை மரங்கள்

திருபுடைமரூதூர் கோவில் நிலம் மற்றும் சிங்கம்பாறை கல்லறை தோட்டத்தில் முன்பே விதைக்கப்பட்ட பனை விதைகள் நல்ல முறையில் வளர்ந்து வருவதால், இந்த ஆண்டில் கோவில் நிலம் மற்றும் கல்லறை தோட்டங்களில் மட்டும் பனை விதை விதைப்பதற்கு முடிவு செய்யப்பட்டுள்ளது.

🌱 இன்று செய்யப்பட்ட விதைப்பு

இன்று ஆலங்குளம் CSI கல்லறை தோட்டம் மற்றும் ஆலங்குளம் மயிலை சாஸ்தா கோயில் சுற்றுப்பகுதிகளில் தன்னார்வலர்கள் இணைந்து 3,000 பனை விதை விதைத்தனர்.

வருகின்ற வாரங்களில்,

• ஆலய பகுதி
• கோவில் நிலங்கள்
• பாதுகாக்கப்பட்ட பகுதிகள்

என்பனவற்றில் மேலும் பனை விதை விதைக்க திட்டமிடப்பட்டுள்ளது.

🙌 தன்னார்வ அமைப்புகளின் பங்களிப்பு

இந்நிகழ்ச்சியில் பங்கேற்றவர்கள்:

• பொழில் தன்னார்வ அறக்கட்டளை
• ஆலங்குளம் பசுமை இயக்கம்
• பூ வுலகை காப்போம் அமைப்பு
• இளந்தளிர் அமைப்பு

இன்றைய 3,000 பனை விதைகளையும் பொழில் தன்னார்வ அறக்கட்டளை தலைவர் ஹென்றி அவர்கள் சேகரித்து வழங்கினார்.

ஒருங்கிணைந்த ஏற்பாடுகள்

இந்த நிகழ்ச்சிக்கான ஏற்பாடுகளை,

• மருத்துவர் புஷ்பலதா ஜான்
• சாமுவேல் பாபு
• ஜெயந்த் பீட்டர் (பொழில் தன்னார்வ அறக்கட்டளை)

ஆகியோர் ஒருங்கிணைத்து சிறப்பாக நிகழ்வு நடைபெற உதவினர்.