📰 விருத்தாசலம் அருகே அரசு நிலம் தனிநபர் ஆக்கிரமிப்பு – விசிக ஆர்ப்பாட்டம்

 விருத்தாசலம், அக். 6:

🔸 அரசு நிலம் ஆக்கிரமிப்பு சர்ச்சை

கடலூர் மாவட்டம் விருத்தாசலம் அருகே உள்ள வி.குமாரமங்கலம் கிராமத்தில் சுமார் 10 ஏக்கர் பரப்பளவு கொண்ட அரசு புறம்போக்கு நிலம், சில தனிநபர்களால் ஆக்கிரமிக்கப்பட்டு விவசாயம் செய்யப்படுகிறது என குற்றச்சாட்டு எழுந்துள்ளது.

🔸 சமத்துவபுரம் திட்டம் தடைபட்டது

1999 ஆம் ஆண்டு முன்னாள் முதலமைச்சர் கருணாநிதி ஆட்சியில், இந்தப் பகுதியில் சமத்துவபுரம் கட்டுவதற்காக அரசு அதிகாரிகள் நில அளவீடு செய்து, இடத்தை தேர்வு செய்திருந்தனர்.

அதில் ஒரு ஏக்கர் நிலம் தமிழ்நாடு மின்சார வாரியத்திற்கு ஒதுக்கப்பட்டு, “இது அரசு இடம், யாரும் பிரவேசிக்கக்கூடாது” என்று பதாகைகள் வைக்கப்பட்டிருந்தன.

ஆனால் அதை மீறி ஆதிக்க சாதியினர் அந்த இடத்தை ஆக்கிரமித்து விவசாயம் செய்து வருவதாக குற்றஞ்சாட்டப்பட்டுள்ளது.

🔸 நிர்வாகத்தின் நோட்டீஸ் புறக்கணிக்கப்பட்டது

கடலூர் மாவட்ட நிர்வாகம் பலமுறை நோட்டீஸ் வழங்கியும், அந்த நிலத்தில் யாரும் பிரவேசிக்கக்கூடாது என்று எச்சரித்தும்,

ஆக்கிரமிப்பாளர்கள் அரசு உத்தரவுகளை மீறி தொடர்ந்து விவசாயம் செய்து வருகின்றனர்.

🔸 “ஏழை மக்களுக்கு வீட்டு மனை பட்டா வழங்க வேண்டும்”

இதையொட்டி, விடுதலை சிறுத்தைகள் கட்சி கடலூர் மைய மாவட்ட செயலாளர் பி.ஆர். நீதிவள்ளல் தலைமையில் கட்சி நிர்வாகிகள் ஆர்ப்பாட்டம் நடத்தினர்.

அவர்கள் அரசிடம் கோரிக்கை விடுத்தனர்:

“அந்த அரசு நிலத்தை மீட்டு, வி.குமாரமங்கலம் பகுதியில் வாழும் ஏழை பட்டியலின மக்களுக்கு இலவச வீட்டு மனை பட்டா வழங்க வேண்டும்.”

🔸 “அரசு நடவடிக்கை எடுக்காவிட்டால் போராட்டம்”

பி.ஆர். நீதிவள்ளல் பேட்டியில் தெரிவித்ததாவது:

“அரசு இதற்கு உடனடி நடவடிக்கை எடுக்காவிட்டால், பெரிய அளவில் போராட்டங்கள் நடத்தி, அந்த இடத்தை மீட்டு ஏழை மக்களுக்கு வீட்டு மனை பட்டா வழங்க நடவடிக்கை எடுக்கப்படும்,” என்றார்.

🔸 ஆர்ப்பாட்டத்தில் கலந்து கொண்டவர்கள்

இந்த ஆர்ப்பாட்டத்தில் விடுதலை சிறுத்தைகள் கட்சி கம்மாபுரம் ஒன்றிய துணை செயலாளர் ராஜ், சந்திரசேகர், சேகர், வெங்கடேசன், மணிகண்டன், சுவிதாசங்கர், சுரேந்தர், சௌந்தர்ராஜன், கார்த்தி, சரத்பாபு, விஜய், கதிர், விக்கி, சூர்யப்பிரகாஷ் உள்ளிட்ட கட்சி நிர்வாகிகள் மற்றும் பொதுமக்கள் பலர் கலந்து கொண்டனர்.

---

🎙️ பேட்டி: பி.ஆர். நீதிவள்ளல்

கடலூர் மைய மாவட்ட செயலாளர், விடுதலை சிறுத்தைகள் கட்சி

✍️ செய்தியாளர்: R. காமராஜ் – 📞 9080215691
🎥 ஒளிப்பதிவாளர்: V. வேல்முருகன் – 📞 8072117545