காஞ்சிபுரத்தில் தனியார் வேலைவாய்ப்பு முகாம் - 48 பேருக்கு பணி நியமன ஆணைகள் வழங்கப்பட்டது

காஞ்சிபுரம், ஆக.22:

காஞ்சிபுரம் மாவட்ட வேலைவாய்ப்பு அலுவலகத்தில் வெள்ளிக்கிழமை நடைபெற்ற தனியார் வேலைவாய்ப்பு முகாமில் 48 பேருக்கு வேலைவாய்ப்புத்துறை துணை இயக்குநர் கி.செந்தில்குமார் பணி நியமன ஆணைகளை வழங்கினார்.

காஞ்சிபுரம் மாவட்ட நிர்வாகமும்,மாவட்ட வேலைவாய்ப்பு அலுவலகமும் இணைந்து தனியார் வேலைவாய்ப்பு முகாமை நடத்தினார்கள்.முகாமில் 116 பங்கேற்பாளர்கள் கலந்து கொண்டிருந்தனர்.

இவர்களுக்கு முகாமில் பங்கேற்கும் நிறுவனங்களின் பெயர்கள், அவர்கள் வேலைநாடுநர்களுக்கு வழங்கும் சலுகைகள்,சம்பள விபரங்கள் ஆகியன குறித்து அந்தந்த நிறுவனங்களின் மனிதவளப் பிரிவு அலுவலர்கள் விபரங்களை தெரிவித்தார்கள். 

முகாமில் 7 பிரபல நிறுவனங்கள் கலந்து கொண்டு தங்களுக்கான மனிதவள தேவையை நேர்காணல் செய்தனர். 

முகாமின் நிறைவாக தேர்வு செய்யப்பட்ட 48 பேருக்கு காஞ்சிபுரம் மண்டல வேலைவாய்ப்புத்துறை துணை இயக்குநர் கி.செந்தில்குமார் பணி நியமன ஆணைகளை வழங்கினார்.

இளநிலை வேலைவாய்ப்பு அலுவலர் நிர்மலா தேவி நன்றி கூறினார்.