தமிழ்நாடு தவ்ஹூத் ஜமாஅத் சார்பில் இளைஞர்களுக்கான நல்லொழுக்க பயிற்சி முகாம்

 காஞ்சிபுரம், ஜூலை 27:

தமிழ்நாடு தவ்ஹூத் ஜமாஅத் காஞ்சிபுரம் கிளையின் ஏற்பாட்டில், ஒலிமுகம்மது பேட்டை தவ்ஹூத் ஜமாஅத் பள்ளி வாசலில் ஞாயிற்றுக்கிழமை இளைஞர்களுக்கான நல்லொழுக்க பயிற்சி முகாம் நடைபெற்றது.

இந்த முகாமில் கிளைத் தலைவர் சாகுல்ஹமீது தலைமை வகித்தார். மாவட்ட துணைத் தலைவர் அன்சாரி, மாவட்ட மருத்துவ அணிச் செயலாளர் சர்புதீன், செயலாளர் சாகுல்ஹமீது ஆகியோர் முன்னிலை வகித்தனர். துணைத் தலைவர் முஜ்புர் ரகுமான் வரவேற்புரையாற்றினார்.

மாநில பேச்சாளர்களாக சேலம் கமால் மற்றும் ஆலந்தூர் ரஹ்மான் ஆகியோர் கலந்து கொண்டு சமூக ஊடகங்களால் ஏற்படும் பாதிப்புகள், மதுபோதையின் தீமைகள், வட்டி, வரதட்சணை, இஸ்லாமிய ஒழுக்க நெறிகள், கல்வியின் அவசியம் போன்ற தலைப்புகளில் விரிவாக உரையாற்றினர்.

முகாமில் மாவட்ட பொருளாளர் பாசில், மாவட்ட துணைச் செயலாளர் அப்துல்லாஹ் உள்ளிட்ட பல நிர்வாகிகள் மற்றும் உறுப்பினர்கள் கலந்துகொண்டனர்.

Label: Moral Values Training Camp by Tamil Nadu Thowheed Jamaath in Kanchipuram