ஹூண்டாய் நிறுவனத்தில் தேசிய பாதுகாப்பு தினம் அனுஷ்டிப்பு

காஞ்சிபுரம்,ஏப்.1:

காஞ்சிபுரம் மாவட்டம் ஸ்ரீ பெரும்புதூர் ஒன்றியத்தில் உள்ள ஹூண்டாய் மோட்டார் இந்தியா நிறுவன வளாகத்தில் தேசிய பாதுகாப்பு தினம் திங்கள்கிழமை அனுஷ்டிக்கப்பட்டது.

காஞ்சிபுரம் மாவட்டம் ஸ்ரீ பெரும்புதூர் ஒன்றியத்தின் இருங்காட்டுக்கோட்டை பகுதியில் ஹூண்ôய் மோட்டார் இந்தியா நிறுவனம் செயல்பட்டு வருகிறது. 

ஆண்டுக்கு 9 லட்சத்துக்கும் மேற்பட்ட கார்களை உற்பத்தி செய்யும் இத்தொழிற்சாலை வளாகத்தில் 53 வது தேசிய பாதுகாப்பு தினம் தமிழ்நாடு தொழில்துறை பாதுகாப்பு மற்றும் சுகாதாரத்துறை இயக்குநர் எம்.வி.செந்தில்குமார் தலைமையில் நடைபெற்றது. 

ஹூண்டாய் மோட்டார் இந்தியா நிறுவனத்தின் தலைமை உற்பத்தி அதிகாரி சி.எஸ்.கோபால கிருஷ்ணன் முன்னிலை வகித்தார்.தொழில் பாதுகாப்பு மற்றும் சுகாதாரத்துறை காஞ்சிபுரம் இணை இயக்குநர் எஸ்.இளங்கோவன் வரவேற்று பேசினார்.

சுகாதாரத்துறை இயக்குநர் எம்.வி.செந்தில்குமார் தனது தலமையுரையில் தேசிய பாதுகாப்பு தினம் அனுஷ்டிக்கப் படுவதன் நோக்கம் குறித்து பேசியதுடன் தொழிற்சாலையில் பணியில் ஈடுபடும் பாதுகாப்பு அதிகாரிகளுக்கான கையேடு ஒன்றையும் வெளியிட்டார்.

அதன் முதல் பிரதியை ஹூண்டாய் மோட்டார் இந்தியா நிறுவனத்தின் நிர்வாக இயக்குநர் அன்சுகிம் பெற்றுக்கொண்டார்.

பின்னர் அவர் தொழிற்சாலைகளில் பாதுகாப்பின் முக்கியத்துவம் குறித்தும் உரையாற்றினார்.தொழில் பாதுகாப்பு மற்றும் சுகாதாரத்துறை துணை இயக்குநர்கள் பாலமுருகன்,ஜி.அசோக் ஆகியோர் உட்பட பலரும் கலந்து கொண்டனர்.

இக்கூட்டத்தில் பணியிடத்தில் பாதுகாப்பு இலக்குகளை எட்டவும்,நேர்மறையான பாதுகாப்பு கலாச்சாரத்தை உருவாக்குவதன் அவசியம் குறித்தும் வலியுறுத்தப்பட்டது.ஹூண்டாய் மோட்டார் நிறுவன பணியாளர்கள், சிப்காட் வளாக தொழிற்சாலைகளில் பணியாற்றும் பாதுகாப்பு அதிகாரிகள் உட்பட 500க்கும் மேற்பட்டோர் கலந்து கொண்டனர்.

படவிளக்கம்: தொழிற்சாலைகளில் பாதுகாப்பு குறித்த கையேட்டினை வெளியிட்டு அறிமுகம் செய்த தொழில் பாதுகாப்பு மற்றும் சுகாதாரத்துறை இயக்குநர் எம்.வி.செந்தில்குமார், ஹூண்டாய் மோட்டார் இந்தியா நிறுவன நிர்வாக இயக்குநர் அன்சுகிம் உள்ளிட்ட தொழிற்சாலை பாதுகாப்பு அதிகாரிகள்