பச்சையப்பன் ஆடவர் கல்லூரியில் 17-03-2023 அன்று தனியார்துறை வேலைவாய்ப்பு முகாம்

படித்து வேலைவாய்ப்பற்ற இளைஞர்களுக்கு காஞ்சிபுரம் மாவட்ட நிர்வாகம்  மற்றும் வேலைவாய்ப்பு மற்றும் பயிற்சி துறை இணைந்து காஞ்சிபுரம் பச்சையப்பன் ஆடவர் கல்லூரியில் 17.03.2023 வெள்ளிக்கிழமை அன்று மாபெரும் தனியார்துறை வேலைவாய்ப்பு முகாமினை  நடத்திட  உத்தேசிக்கப்பட்டுள்ளது.

இம்முகாமில் தனியார் நிறுவனங்கள் மற்றும் திறன்பயிற்சி அளிக்கும் நிறுவனங்கள் கலந்துக்கொண்டு தங்களுக்கான மனிதவள தேவைக்கு நேர்முக தேர்வினை நடத்த உள்ளனர். 

அதேசமயம் பட்டதாரிகள், டிப்ளமோ, ஐ.டி.ஐ, 12வது மற்றும் 10ம் வகுப்பு  படித்தவர்கள்  போன்றவர்களை தேர்ந்தெடுக்க உள்ளனர். 18 முதல் 35 வயது வரை உள்ள வேலைநாடுநர்கள் தங்களுடைய கல்வி சான்றிதழ்கள், பாஸ்போர்ட் அளவிலான புகைப்படத்துடன் 17.03.2023 அன்று காலை 9.00 மணிக்கு காஞ்சிபுரம் பச்சையப்பன் ஆடவர்  கல்லூரியில் நேரில்  வந்து வேலைவாய்ப்பு முகாமில் கலந்து கொண்டு பயன் பெறுமாறும் இது தொடர்பாக ஏதேனும் சந்தேகங்கள் இருப்பின்  044-27237124 என்ற தொலைபேசி எண் வாயிலாக கேட்டறிந்து பயன் பெறுமாறும் காஞ்சிபுரம் மாவட்ட ஆட்சித்தலைவர் டாக்டர் மா.ஆர்த்தி, இ.ஆ.ப., அவர்கள் தெரிவித்துள்ளார்.

வெளியீடு: செய்தி  மக்கள்  தொடர்பு  அலுவலர், காஞ்சிபுரம்  மாவட்டம்.