வேளியூர் ஊராட்சியில் “நம்ம ஊரு சூப்பரு“ திட்டத்தின்கீழ் தூய்மை பணிகள்

காஞ்சிபுரம் மாவட்டம், வாலாஜாபாத் ஒன்றியம், வேளியூர் ஊராட்சியில் இன்று (27.08.2022) “நம்ம ஊரு சூப்பரு“ திட்டத்தின்கீழ் நடைபெற்று வரும்  தூய்மை பணிகள் நிகழ்ச்சிகளை மாவட்ட ஆட்சித்தலைவர் டாக்டர் மா.ஆர்த்தி,இ.ஆ.ப., அவர்கள் துவக்கி வைத்தார்.

காஞ்சிபுரம் மாவட்டம், வாலாஜாபாத் ஒன்றியம், வேளியூர் ஊராட்சியில் இன்று (27.08.2022) “நம்ம ஊரு சூப்பரு“ திட்டத்தின்கீழ் நடைபெற்று வரும்  தூய்மை பணிகள் நிகழ்ச்சிகளை மாவட்ட ஆட்சித்தலைவர் டாக்டர் மா.ஆர்த்தி,இ.ஆ.ப., அவர்கள் துவக்கி வைத்து, தூய்மை கிராம உறுதிமொழியினை மாவட்ட ஆட்சித்தலைவர் டாக்டர் மா.ஆர்த்தி,இ.ஆ.ப., அவர்கள் தலைமையில் மகளிர் சுய உதவிக்குழுக்கள், தனியார் பொறியியல் கல்லூரி மாணவர்கள் மற்றும் தூய்மை காவலர்கள் மற்றும் அனைத்து அரசு அலுவலர்களும் உறுதி மொழியினை ஏற்று கொண்டனர்.

வேளியூர் ஊராட்சியில் உள்ள தெருக்கள், பள்ளிகள்,  நீர்நிலைகள்  மற்றும் கழிநீர் கல்வாய்கள் சுத்தம் செய்யும் பணிகளை துவக்கி வைத்து, தெருக்களில் உள்ள குப்பைகளை மாவட்ட ஆட்சித்தலைவர் டாக்டர் மா.ஆர்த்தி,இ.ஆ.ப., அவர்கள் தூய்மைப்படுத்தினார். 

பின்பு வீடுவீடாக சென்று பொது மக்களிடம் குப்பைகளை தரம் பிரித்து மக்கும் குப்பைகள், மக்காத குப்பைகள் என தூய்மை காவலர்களிடம் வழங்க வேண்டும்  ஒருமுறை பயன்படுத்த கூடிய பிளாஸ்டிக்கை அறவே ஒழிக்க வேண்டும் அதற்கு மாற்றாக மஞ்சப்பை பயன்படுத்தி சுற்றுச்சூழலை பாதுகாக்க வேண்டும் என கேட்டுக்கொண்டார். 

மேலும் தங்களுடைய ஊராட்சியின் துய்மைக்கு ஊர் பொது மக்கள்தான் பொறுப்பு, எனவே ஊராட்சியினை தூய்மையாக வைத்து கொள்ளுவதற்கு பொது மக்கள் அனைவரும் அரசுக்கு தங்கள் ஒத்துழைப்பு வழங்க வேண்டும் என கேட்டுக்கொண்டார். வேளியூர் ஊராட்சி சிறந்த ஊராட்சியாக திகழ்ந்திட அனைவரும் தங்களை முழுமையாக தூய்மை பணியில் ஈடுபடுத்தி கொள்ள வேண்டும் என கேட்டுக்கொண்டார்.

இந்நிகழ்ச்சியில் மாவட்ட வருவாய் அலுவலர் திரு.கோ.சிவருத்ரதய்யா, மாவட்ட ஊராட்சி முகமை திட்ட இயக்குநர் திருமதி. ஸ்ரீதேவி, வாலாஜாபாத் ஒன்றிய குழு தலைவர் திரு.தேவேந்திரன், வாலாஜாபாத் வட்டார வளர்ச்சி அலுவலர்கள் தனியார் பொறியியல் கல்லூரி மாணவர்கள், தூய்மை காவலர்கள் மற்றும் அரசு அலுவலர்கள் கலந்துக்கொண்டனர்.

செய்தி வெளியீடு: செய்தி மக்கள் தொடர்பு அலுவலர், காஞ்சிபுரம்.