வண்ண வண்ண வாக்குச்சீட்டுகள் அச்சடிக்கும் பணி தீவிரம்

காஞ்சிபுரம்

காஞ்சிபுரம் மாவட்ட ஊரக உள்ளாட்சி தேர்தலுக்கான சின்னங்களுடன் கூடிய வண்ண வண்ண வாக்குச்சீட்டுகள் அச்சடிக்கும் பணி தீவிரம் நடைபெற்றுவருகிறது. மாவட்ட ஆட்சியர் மா.ஆர்த்தி நேரில் ஆய்வு செய்தார்.

மாவட்ட கூட்டுறவு அச்சகத்திற்கு காவல்துறை தீயணைப்பு துறையினர் பாதுகாப்பு.

காஞ்சிபுரம் மாவட்டத்தில் ஊரக உள்ளாட்சி தேர்தல் வரும் 6-ம் தேதி, 9ஆம் தேதி என இரண்டு கட்டங்களாக நடைபெறுகிறது.

ஊரக உள்ளாட்சி தேர்தலில் மாவட்ட ஊராட்சி குழு கவுன்சிலர், ஒன்றியக்குழு கவுன்சிலர்,கிராம ஊராட்சி மன்ற தலைவர், சிற்றூராட்சி வார்டு கவுன்சிலர்கள் என 4 பதவிகளுக்கு கிராமப்புற வாக்காளர்கள் வாக்களிக்க உள்ளனர்.

சட்டமன்ற, நாடாளுமன்றத் தேர்தலில் வாக்குப்பதிவு இயந்திரம் பயன்படுத்தும் நிலையில் ஊரக உள்ளாட்சி தேர்தலில் வாக்குச்சீட்டு பயன்படுத்தப்பட உள்ளது.

ஊரக உள்ளாட்சி தேர்தலில் போட்டியிடும் வேட்பாளர்கள் இறுதி செய்யப்பட்டு வாக்காளர்கள் வாக்களிக்க  சின்னங்களும் ஒதுக்கீடு செய்யும் பணி நேற்றுடன் நிறைவடைந்தது.

இந்நிலையில் காஞ்சிபுரம் மாவட்ட கூட்டுறவு அச்சகத்தில் ஊரக உள்ளாட்சி தேர்தல் வாக்குச்சீட்டுக்கள் அச்சடிக்கும் பணி இன்று முதல் தீவிரமாக நடைபெற்று வருகிறது.

ஊரக உள்ளாட்சி தேர்தலில் 4 பதவிகளுக்கு போட்டியிடும் வேட்பாளர்களின் பெயர்கள் மற்றும் சின்னங்கள் சரிபார்க்கப்பட்டு 

ரோஸ் நிறம், மஞ்சள் நிறம், இளம் பச்சை நிறம், வெள்ளை நிறம் என நான்கு வண்ணங்களில் வாக்குச்சீட்டுகள் அச்சடிக்கும் பணியை மாவட்ட கூட்டுறவு அச்சக பணியாளர்கள் மேற்கொண்டு வருகின்றனர்.

மாவட்ட கூட்டுறவு அச்சகத்தில் நடைபெற்றுவரும் வாக்குச் சீட்டுக்கள் அச்சடிக்கும் பணியை காஞ்சிபுரம் மாவட்ட ஆட்சியர் மா.ஆர்த்தி நேரில் பார்வையிட்டு ஆய்வு மேற்கொண்டு அச்சடிக்கும் பணிகளை தீவிரப்படுத்தி வருகிறார்.

வாக்குச் சீட்டுக்கள் அச்சடிக்கும் பணி நடைபெற்று வரும் மாவட்ட கூட்டுறவு அச்சகத்திற்கு காவல்துறை பாதுகாப்பு போடப்பட்டு, தீ  தீயணைப்பு வாகனங்களும் தயார் நிலையில் வைக்கப்பட்டு உள்ளது.

மாவட்ட கூட்டுறவு அச்சகத்தில் நடைபெற்ற ஆய்வின்போது மாவட்ட ஊரக வளர்ச்சி முகமை திட்ட இயக்குனர் ஸ்ரீதேவி,வட்டார வளர்ச்சி அலுவலர்கள் மற்றும் தேர்தல் துறை அலுவலர்கள் ஆகியோர் உடனிருந்தனர்.