இன்று கூடுகிறது தமிழக சட்டசபை - முதலமைச்சர் மு.க.ஸ்டாலின் ஆட்சியில் முதல் பட்ஜெட் தாக்கல்

 சென்னை, ஆக.13-

இன்று (13.08.2021) பட்ஜெட் உரையுடன்  சட்டசபை கூட்டம் தொடங்குகிறிது. நிதி அமைச்சர் தியாகராஜன் பட்ஜெட் தாக்கல் செய்கிறார். 

இன்று தொடங்கி அடுத்த மாதம் 21.09.2021ம் தேதி வரை மொத்தம் 29 நாட்கள் நடைபெறும் என்று சபாநாயகர் அப்பாவு அறிவித்துள்ளார். முதலமைச்சர் மு.க.ஸ்டாலின் தலைமையில் முதல் பட்ஜெட் தாக்கல் என்பதால் எதிர்பார்ப்பு அதிகமாகி உள்ளது. 

சட்டமன்ற கூட்டத்தொடர் நடைபெற உள்ள கலைவாணர் அரங்கத்தை முதலமைச்சர் மு.க.ஸ்டாலின் நேற்று (12/08/2021) பார்வையிட்டார். இந்நிகழ்வின் போது நீர்வளத் துறை அமைச்சர் துரைமுருகன், உயர் கல்வித்துறை அமைச்சர் பொன்முடி, பொதுப்பணித்துறை அமைச்சர் எ.வா.வேலு, தகவல் தொழில் நுட்பத் துறை அமைச்சர் மனோ தங்கராஜ், சட்டப்பேரவை செயலாளர் கே.சீனிவாசன் மற்றும் அரசு உயர் அலுவலர்கள் உடனிருந்தனர்.

தமிழகத்தில் நடந்து முடிந்த சட்டசபை பொதுத்தேர்தலில் தி.மு.க. அமோக வெற்றிபெற்று ஆட்சியை பிடித்தது. முதலமைச்சராக மு.க.ஸ்டாலின் கடந்த மே மாதம் 7ம் தேதி பதவி ஏற்றார்.

அதன் பிறகு ஜூன் 21ம் தேதி சட்டசபையின் முதல் கூட்டம் நடைபெற்றது. அன்றைய கூட்டத்தில் ஆளுநர் பன்வாரிலால் புரோகித் உரையாற்றினார். ஆளுநர் உரைக்கு நன்றி தெரிவிக்கும் விவாதத்தில் எம்.எல்.ஏ.க்கள் பேசினார்கள். இந்த கூட்டம் 3 நாட்கள் நடைபெற்றது. இறுதி நாள் அன்று முதலமைச்சர் மு.க.ஸ்டாலின் விரிவாக பதில் அளித்து பேசினார்.

அதன்பிறகு தலைமை செயலகத்தில் முதலமைச்சர் மு.க.ஸ்டாலின் துறை வாரியாக ஆய்வு மேற்கொண்டார். அனைத்து துறைகளின் ஆய்வுக்கூட்டம் முடிந்த நிலையில் கடந்த 4ம் தேதி அமைச்சரவை கூட்டம் நடத்தப்பட்டது.

இந்த கூட்டத்தில் ஆகஸ்ட் 13ம் தேதி சட்டசபையில் பட்ஜெட் தாக்கல் செய்வது என முடிவு செய்யப்பட்டது. அதன்படி சட்டசபை ஆகஸ்ட் 13ம் தேதி காலை 10 மணிக்கு கூடுவதாக சட்டசபை செயலாளர் சீனிவாசன் அறிவிப்பு வெளியிட்டார்.

அதன்படி தமிழக சட்டசபை கூட்டம் இன்று காலை 10 மணிக்கு கலைவாணர் அரங்கில் நடைபெறுகிறது. 

நிதி அமைச்சர் பழனிவேல் தியாகராஜன் பட்ஜெட்டை தாக்கல் செய்கிறார். நாளை (14.08.2021) வேளாண் பட்ஜெட்டை அமைச்சர் எம்.ஆர்.கே. பன்னீர்செல்வம் தாக்கல் செய்கிறார்.

இன்று பட்ஜெட் உரையுடன் தொடங்கும் சட்டசபை கூட்டம் அடுத்த மாதம்  21.09.2021 தேதி வரை மொத்தம் 29 நாட்கள் நடைபெறும் என்று சபாநாயகர் அப்பாவு அறிவித்துள்ளார்.

இந்த பட்ஜெட் காகிதமில்லா இ-பட்ஜெட்டாக தாக்கல் செய்யப்படும் என்றும் அறிவித்தார். இதற்காக எம்.எல்.ஏ.க்களின் இருக்கை முன்பு கம்ப்யூட்டர் வைக்கப்பட்டுள்ளது. அவர்களுக்கு கையடக்க டேப் (செல்போன்) வழங்கவும் ஏற்பாடு செய்யப்பட்டுள்ளது.

முதலமைச்சர் மு.க.ஸ்டாலின் ஆட்சியில் தாக்கல் செய்யப்படும் முதல் பட்ஜெட் என்பதால் இதில் என்னென்ன அறிவிப்புகள் இடம்பெறும். 

இந்நிலையில், மதுரையில் இருந்து சென்னை செல்வதற்காக  நிதி அமைச்சர் பி.டி.ஆர். பழனிவேல் தியாகராஜன் மதுரை விமான நிலையத்துக்கு வந்தார்.

அப்போது செய்தியாளர்கள் சந்திப்பில்,  வருவாய் இல்லாமல் அரசாங்கம் திவாலாக உள்ளது  எனவே வரியை உயர்த்தியே ஆக வேண்டும் என்று  நிதி அமைச்சர் பழனிவேல் தியாகராஜன் தெரிவித்துள்ளார்.

இந்நிலையில், வரிவிதிப்பு இருக்குமா? சலுகைகள் ஏதும் அறிவிக்கப்படுமா? என்ற எதிர்பார்ப்பு மேலும் அதிகமாகி உள்ளது. 

தமிழக பட்ஜெட் கூட்டத் தொடர் குறித்து ஆலோசனை நடத்துவதற்காக, இன்று 13ம் தேதி அதிமுக எம்எல்ஏக்கள் கூட்டம் கூடுகிறது.

இது தொடர்பாக அதிமுக சார்பில் வெளியிடப்பட்டுள்ள அறிக்கையில் கூறியிருப்பதாவது, தமிழ்‌நாடு சட்டப்‌பேரவையில்‌ 2021-2022ஆம்‌ ஆண்டுக்கான பட்ஜெட்‌ கூட்டத்‌ தொடர்‌ நடைபெற இருப்பதையொட்டி, அனைத்திந்திய அண்ணா திராவிட முன்னேற்றக்‌ கழக சட்டமன்ற உறுப்பினர்கள்‌ ஆலோசனைக்‌ கூட்டம்‌ வரும் ஆகஸ்ட் 13 தேதி மாலை 4.30 மணிக்கு, சென்னை, ராயப்பேட்டையில்‌ உள்ள தலைமைக்‌ கழகத்தில்‌, கழக ஒருங்கிணைப்பாளர்‌ ஒ. பன்னீர்செல்வம்‌, கழக இணை ஒருங்கிணைப்பாளர்‌ எடப்பாடி பழனிசாமி ஆகியோர்‌ தலைமையில்‌ நடைபெற உள்ளது.

இந்த சட்டசபை கூட்டத்தொடரில் எதிர்க்கட்சிகள் பல்வேறு பிரச்சனைகளை கிளப்ப உள்ளது. திமுக தேர்தல் அறிக்கையில் சொன்ன வாக்குறுதிகளில் இன்னும் என்னென்ன வாக்குறுதிகளை நிறைவேற்றவில்லை என்பதை பட்டியலிட்டு பேச உள்ளனர்.

அதிமுக முன்னாள் அமைச்சர்கள் எம்.ஆர்.கே. விஜயபாஸ்கர், எஸ்.பி.வேலுமணி ஆகியோர் வீடுகளில் லஞ்ச ஒழிப்பு போலீசார் சோதனை நடத்திய நிலையில் அதுகுறித்தும் சட்டசபையில் அனல் பறக்கும் விவாதம் நடைபெறும் என எதிர்பார்க்கப்படுகிறது. 

முதலமைச்சர் மு.க.ஸ்டாலின் தலைமையில் முதல் பட்ஜெட் தாக்கல் என்பதால் எதிர்பார்ப்பு அதிகமாகி உள்ளது. 

இந்த கூட்டத்தொடரில் பல்வேறு சட்ட மசோதாக்களும் தாக்கல் செய்யப்படும் என எதிர்பார்க்கப்படுகிறது.