மதுவிலக்கு வழக்குகளில் பறிப்பிழப்பு செய்த வாகனங்கள் ஏலம் அறிவிப்பு

திருவள்ளூர், பிப்.24-

மாவட்ட காவல் நிலையங்களில் மதுவிலக்கு வழக்குகளில் சம்மந்தப்பட்டு பறிப்பிழப்பு செய்யப்பட்டுள்ள 48 வாகனங்களை ஏலம் விடப்படவுள்ளது  என்று& மாவட்ட ஆட்சித் தலைவர் பா.பொன்னையா தெரிவித்துள்ளார்.

திருவள்ளுர் மாவட்டத்தில் மதுவிலக்கு அமல் பிரிவு மற்றும் மாவட்ட காவல் நிலையங்களில் மதுவிலக்கு வழக்குகளில் சம்மந்தப்பட்டு பறிப்பிழப்பு செய்யப்பட்டுள்ள 37 இருசக்கர வாகனங்கள், 3 மூன்று சக்கர வாகனங்கள் மற்றும் 8 நான்கு சக்கர வாகனங்களை வருகின்ற 26.02.2021&ம் தேதி வெள்ளிக்கிழமை மாலை 3.00 மணியளவில் திருவள்ளுர் மதுவிலக்கு அமல்பிரிவு, அலுவலகத்தில் (இருப்பிடம் திருவள்ளுர் இரயில் நிலையம் மற்றும் துளசி தியேட்டர் அருகில்) ஏலம் விடப்பட உள்ளது. 

வாகனங்களை ஏலம் கேட்க விரும்புவர்கள் முன் வைப்பு கட்டணத் தொகையாக ரூ. 1000/- (ரூபாய் ஓராயிரம் மட்டும்) செலுத்த வேண்டும். வாகனத்தை ஏலம் எடுத்தவர்கள் ஏலம் கேட்ட தொகையுடன் அரசு விற்பனை வரியாக இரண்டு சக்கர வாகனத்திற்கு 12%, மூன்று மற்றும் நான்கு சக்கர வாகனத்திற்கு 18%  உடனடியாக செலுத்திட வேண்டும்.  ஏலத்தில் கலந்துகொண்டு வாகனம் எடுக்காதவர்களுக்கு அவர்கள் செலுத்திய முன் வைப்பு கட்டணத் தொகையினை ஏலத்தின் முடிவில் திருப்பித் தரப்படும் என திருவள்ளுர் மாவட்ட ஆட்சித் தலைவர் பா.பொன்னையா அவர்கள் தெரிவிக்கிறார்.