பெண்கள் கார் ஓட்டுவதற்கான தடையை நீக்க மறுத்த சவூதி இளவரசர்
சவூதி, ஏப்.27-
சவூதியில் பெண்கள் கார் ஓட்டுவதற்கு உள்ள தடையை நீக்க அந்நாட்டு இளவரசர் மறுத்துள்ளார்.சவூதி அரேபியாவில் பெண்கள் கார் ஓட்டுவது என்பது தொழில்நுட்ப ரீதியாக சட்டத்துக்கு எதிரானது இல்லையென்றாலும் சாலைகளில் பெண்கள் கார் ஓட்டுவதற்கு அனுமதி இல்லை. பெண்கள் வாகன ஓட்டுனர் உரிமம் பெற தடை
எனினும் நகரங்களில் உள்ள பெண்கள் கார் ஓட்டுவதற்கு சில சலுகைகள் உள்ளன. இந்நிலையில் கடந்த திங்களன்று இளவரசர் முகமது பின் சல்மான் அளித்த பேட்டியில் , பெண்களை கார் ஓட்ட அனுமதிப்பது என்பது மதரீதியான பிரச்சனை என்பதை தாண்டி சமூக ரீதியாகவும் பிரச்சனைகளை ஏற்படுத்தும் என்று தெரிவித்துள்ளார்.
அதேவேளையில் பெண்களுக்கு கூடுதல் சுதந்திரம் கிடைப்பதற்கு தனது ஆதரவு எப்போதும் இருக்கும் என்று கூறியுள்ள அவர் சீர்திருத்தங்களை உடனடியாக மேற்கொள்ள முடியாது, எனினும் எதிர்காலத்தில் மாற்றம் ஏற்படும் என்றும் தெரிவித்துள்ளார்.
No comments
Thank you for your comments