பெண் போர் விமானிகள் 4 ஆண்டுகளுக்கு தாய்மையடைய தடை!

போர் விமானங்களில் விமானிகளாக பணியாற்ற பயிற்சி பெற்று வரும் பெண் விமானிகள் 4 ஆண்டுகளுக்கு தாய்மை அடையக் கூடாது என அறிவுறுத்தப்பட்டுள்ளது. 

போர் விமானங்களை இயக்க 3 பெண் போர் விமானிகளுக்கு ஹைதரபாத்தில் பயிற்சி அளிக்கப்பட்டு வருகிறது.

முதல் கட்ட பயிற்சி முடிந்து 2வது கட்ட பயிற்சி கிரண் எம்.கே 2 ரக போர் விமானங்களில் பயிற்சி பெறவுள்ளனர்.

2வது கட்ட பயிற்சி முறைதான் மிக முக்கியமானது என்பதால், இந்த பயற்சி முறைக்கு தேர்வு செய்யப்பட்ட 3 பெண் விமானிகளும் நிச்சயம் உடல்ரீதியாகவும் மனரீதியாகவும் தயராகியிருக்க வேண்டும்.

அப்போதுதான் அவர்கள் அடுத்த கட்ட பயிற்சிக்கு தேர்வு செய்யப்படுவார்கள் என்பது குறிப்பிடத்தக்கது.

இந்நிலையில், போர் விமான பைலட்டுகளாக தேர்வு செய்யப்படும் பெண் விமானிகள் 4 ஆண்டுகளுக்கு தாய்மையடையக் கூடாது என அறிவுறுத்தப்பட்டுள்ளது.

இந்திய விமானப்படையின் துணை ஏர் வைஸ் அட்மிரல் என்.கே. தாண்டன் கூறுகையில், போர் விமானத்தில் பைலட்டுகளாக பறக்க கிட்டத்தட்ட 5 ஆண்டுகள் தொடர்ச்சியான பயிற்சி தேவைப்படும்.

பெண் விமானிகளின் பயிற்சி பாதிக்கப்படக் கூடாது என்பதற்காக இந்த அறிவுரை வழங்கப்பட்டுள்ளது.

மேலும், இது எல்லா நாட்டு விமானப்படையிலும் நடைமுறையில் உள்ள ஒரு வழக்கம்தான் என குறிப்பிட்டுள்ளார்.