திருச்சி அருகே வேன் மரத்தில் மோதி 4 பெண்கள் உட்பட 5 பேர் பலி- நாகூர் தர்கா சென்றவர்கள்

திருச்சி, மார்ச் 10-

திருச்சி மாவட்டம் முசிறியில் வேன் ஒன்று விபத்துக்குள்ளானதில் 5 பேர் பரிதாபமாக பலியாகிய சம்பவம் பரபரப்பினை ஏற்படுத்தியுள்ளது.

சேலத்திலிருந்து 4 வேன்களில் நாகூர் தர்காவிற்கு உறவினர்கள் மற்றும் நண்பர்கள் இணைந்து சென்று கொண்டிருந்தனர். திருச்சி, முசிறி மஞ்சைக்கோரை அருகே வேன்கள் வந்தபோது ஒரு வேன் மட்டும் நிலைதடுமாறி ரோட்டின் ஓரத்தில் இருந்த மரத்தின் மீது மோதியது.

இதில் அந்த வேனில் பயணித்த 4 பெண்கள் உட்பட 5 பேர் சம்பவ இடத்திலேயே பரிதாபமாக உயிரிழந்தனர். இதனையடுத்து சம்பவ இடத்திற்கு விரைந்துள்ள போலீசார் விசாரணையில் ஈடுபட்டுள்ளனர்.

உயிரிழந்தவர்களின் உடல்கள் திருச்சி அரசு மருத்துவமனைக்கு எடுத்துச் செல்லப்படும் எனத் தெரிகின்றது. இச்சம்பவத்தால் மற்ற வேன்களில் பயணித்த உறவினர்கள் சோகத்தில் ஆழ்ந்துள்ளனர்.