20 ஓவர் உலக கோப்பையை வெல்ல இந்தியாவுக்கு வாய்ப்பு: ஷேவாக்

டெல்லி, மார்ச்.4-

இந்திய கிரிக்கெட் அணியின் முன்னாள் வீரர் ஷேவாக் அளித்த ஒரு பேட்டியில், ‘டோனி தலைமையிலான இந்திய அணி 20 ஓவர் உலக கோப்பையை வெல்வதற்கு நல்ல வாய்ப்புள்ளது. நம்மிடம் உள்ள சரியான வீரர்களின் கூட்டணி மற்றும் தொடர்ந்து இதே போன்று விளையாடும் போது இந்திய அணிக்கே கோப்பையை வெல்ல
வாய்ப்பு அதிகமாகும்.

ஆனால் போட்டிக்குரிய நாளில் நாம் எப்படி செயல்படுகிறோம், எப்படிப்பட்ட ஆடுகளம் வழங்கப்படுகிறது என்பதும் முக்கியமாகும். பந்து வீச்சு, பீல்டிங், பேட்டிங் மூன்றிலும் அசத்தினால் இந்தியா கோப்பையை வசப்படுத்துவதை யாராலும் தடுக்க முடியாது’ என்றார்.