மிதிவண்டியில் 73 நாடுகளை சுற்றி வந்து சிகிச்சை அளிக்கும் மருத்துவர்!

பிரிட்டன், பிப்.12

பிரிட்டன் மருத்துவர் ஒருவர் சேவை செய்யும் பொருட்டு தமது மிதிவண்டியில் 73 நாடுகளை சுற்றி வந்து சிகிச்சை அளித்து வருவது வியப்பை ஏற்படுத்தியுள்ளது.

பிரிட்டன் மருத்துவரான Steven Fabes சாகச பயணத்தில் அதிக நாட்டம் ஏற்பட்டதை அடுத்து இந்த பயணத்தை துவக்கியுள்ளார்.

தமது வாழ்க்கையை எளிமைப்படுத்தவும் உலகை மிக நெருக்கமாக தெரிந்து கொள்ளவும் ஆசைப்பட்டதால்

தமது பயணத்திற்கு மிதிவண்டியை பயன்படுத்தியதாக தெரிவித்துள்ள அவர், இதுவரை ஐரோப்பா, மத்திய கிழக்கு பகுதி வழியாக ஆப்பிரிக்கா, தென் அமெரிக்கா, வட மற்றும் மத்திய அமெரிக்கா, ஆஸ்திரேலியா மற்றும் ஆசியா நாடுகளை சுற்றி வந்துள்ளார்.

இந்த பயணங்களின் வாயிலாக பிரித்தானியா மருத்துவமனைகளில் பணிபுரியும்போது கிட்டாத பல அனுபவங்களை தாம் பெற்றுள்ளதாக தெரிவித்துள்ளார்.

தீவிர வறுமை, ஊட்டச்சத்தின்மை, எயிட்ஸ் போன்ற பாதிப்புகளால் சமூக்கத்தில் இருந்து ஒதுக்கியே வைக்கப்பட்டுள்ள மக்கள் என பலதரப்பினரை நேரிடையாக காண முடிந்தது என்றார்.

கடந்த ஆறு ஆண்டுகளில் உயிருக்கு அச்சுறுத்தல் தரும் பல சம்பவங்களை தாம் எதிர்கொண்டதாக தெரிவித்துள்ள மருத்துவர் Fabes, தாம் தங்கியிருந்த கூடாரத்தின் வெளியே பல முறை நச்சுப்பாம்புகளும் சிங்கங்களும் உலாவுவதை கண்டதாகவும், மலேசியாவில் தங்கியிருந்த போது டெங்கு காய்ச்சலால் பாதிக்கப்பட்டதாகவும், எகிப்தில் ஒரு கூட்டம் சிறுவர்களால் கடுமையாக தாக்கபட்டதாகவும் தெரிவித்துள்ளார்.