“காஞ்சிபுரம் மாவட்ட வரைவு வாக்காளர் பட்டியல் வெளியீடு!” - 4 தொகுதிகளில் மொத்தம் 12.21 லட்சம் வாக்காளர்கள்; ஆண்களை விடப் பெண் வாக்காளர்களே அதிகம்!

 காஞ்சிபுரம் | நவம்பர் 13, 2026

இந்திய தேர்தல் ஆணையத்தின் அறிவுறுத்தலின்படி, சிறப்பு சுருக்கமுறைத் திருத்தம் - 2027 பணியின் ஒரு பகுதியாக காஞ்சிபுரம் மாவட்டத்திற்கு உட்பட்ட 4 சட்டமன்றத் தொகுதிகளுக்கான புகைப்படத்துடன் கூடிய வரைவு வாக்காளர் பட்டியலை மாவட்டத் தேர்தல் அலுவலரும் மாவட்ட கலெக்டருமான தி. சினேகா அனைத்து அங்கீகரிக்கப்பட்ட அரசியல் கட்சிப் பிரதிநிதிகள் முன்னிலையில் வெளியிட்டார்.

மாவட்டத்தின் மொத்த வாக்காளர்கள் நிலவரம்

"12.11.2026 அன்று வெளியிடப்பட்ட வரைவு வாக்காளர் பட்டியலின்படி காஞ்சிபுரம் மாவட்டத்தில் மொத்த வாக்காளர்களின் எண்ணிக்கை 12,21,180 ஆக உள்ளது. இதில் ஆண்களை விடப் பெண் வாக்காளர்களே 38,540 பேர் அதிகமாக உள்ளனர்."

• மொத்த வாக்காளர்கள்: 12,21,180

• ஆண் வாக்காளர்கள்: 5,91,216

• பெண் வாக்காளர்கள்: 6,29,756

• இதர வாக்காளர்கள்: 208

4 சட்டமன்றத் தொகுதிகள் வாரியான வாக்காளர் பட்டியல் விவரம்

காஞ்சிபுரம் மாவட்டத்தில் உள்ள ஆலந்தூர், திருப்பெரும்புதூர் (தனி), உத்திரமேரூர் மற்றும் காஞ்சிபுரம் ஆகிய 4 தொகுதிகளின் தற்போதைய வாக்காளர்கள் விவரம்:

சட்டமன்றத் தொகுதி	ஆண் வாக்காளர்கள்	பெண் வாக்காளர்கள்	இதர பிரிவினர்	மொத்த வாக்காளர்கள்
ஆலந்தூர்	1,47,795	1,56,575	45	3,04,415
திருப்பெரும்புதூர் (தனி)	1,87,257	2,00,487	65	3,87,809
உத்திரமேரூர்	1,20,437	1,27,707	60	2,48,204
காஞ்சிபுரம்	1,35,727	1,44,987	38	2,80,752
மொத்தம்	5,91,216	6,29,756	208	12,21,180

பொதுமக்கள் பார்வைக்கு எங்கு வைக்கப்பட்டுள்ளது?

இந்த வரைவு வாக்காளர் பட்டியலானது மாவட்டத்தில் உள்ள அனைத்து வாக்குச்சாவடி மையங்கள், வாக்காளர் பதிவு அலுவலர், வருவாய் கோட்ட அலுவலர், வட்டாட்சியர் மற்றும் மாநகராட்சி ஆணையர் அலுவலகங்களில் பொதுமக்கள் பார்வைக்காக வைக்கப்பட்டுள்ளது. பொதுமக்கள் அலுவலக நேரங்களில் நேரடியாகச் சென்று தங்களது பெயர்களைச் சரிபார்த்துக் கொள்ளலாம் என மாவட்ட கலெக்டர் தி. சினேகா தெரிவித்துள்ளார்.

✨ 2027 புத்தாண்டு ராசி பலன்கள் – முழுமையான கணிப்பு!

🔮 2027-ல் உங்கள் ராசிக்கு என்ன பலன்?

♈ மேஷம் முதல் மீனம் வரை 12 ராசிகள்

💫 புத்தாண்டில் தொழில், பணவரவு, திருமணம், குடும்பம் மற்றும் வாழ்க்கை முன்னேற்றம் குறித்து உங்கள் ராசிக்கான வருடப் பலன்களைப் படியுங்கள்.

 

இந்நிகழ்ச்சியில் மாவட்ட வருவாய் அலுவலர் திவ்யஸ்ரீ, சப் கலெக்டர் புவனேஷ் ராம், மாவட்ட வழங்கல் அலுவலர் விஜயகுமார், திருப்பெரும்புதூர் கோட்டாட்சியர் சண்முக பிரிதா, மாநகராட்சி மண்டல அலுவலர் முருகதாஸ், தனி வட்டாட்சியர் (தேர்தல்) ஞானவேல் மற்றும் அரசியல் கட்சிப் பிரதிநிதிகள் கலந்து கொண்டனர்.

Short English Summary for Readers

Kanchipuram Collector T. Sneha Releases Draft Electoral Roll for 4 Constituencies; 12.21 Lakh Voters Listed

Kanchipuram | November 13, 2026

As part of the Special Summary Revision 2027, Kanchipuram District Collector and District Election Officer T. Sneha released the photo-integrated draft electoral roll for the district's four assembly constituencies in the presence of political party representatives. According to the list, Kanchipuram district has a total of 12,21,180 voters, comprising 5,91,216 male voters, 6,29,756 female voters, and 208 third-gender voters. The draft rolls are displayed for public verification at polling stations, RDO, Tahsildar, and Corporation offices.