“புற்றுநோய் சிகிச்சையில் மனநலமும் மிக முக்கியம்!” - காஞ்சிபுரத்தில் நோய்த்தணிப்பு பராமரிப்பு அறக்கட்டளையைத் தொடங்கும் ஜஸ்’ ஆன்கோ!

 காஞ்சிபுரம் | அக்டோபர் 28, 2026

புற்றுநோய் சிகிச்சையில் நோயாளிகளின் மனநலத்தின் முக்கியத்துவத்தை வலியுறுத்தும் வகையில், ஜஸ்’ ஆன்கோ கேன்சர் கேர் மற்றும் மீனாட்சி மருத்துவக் கல்லூரி மருத்துவமனை (MMCH&RI) இணைந்து சிறப்புத் தொடர் மருத்துவக் கல்வி (CME) நிகழ்ச்சியை நடத்தின. அத்துடன் காஞ்சிபுரத்தில் நோயாளிகளின் வீடுகளுக்கே சென்று பராமரிப்பு அளிக்கும் ஜஸ்’ ஆன்கோ பெலியேட்டிவ் கேர் அறக்கட்டளை தொடக்க விழாவும் நடைபெற்றது.

✨ 2027 புத்தாண்டு ராசி பலன்கள் – முழுமையான கணிப்பு!

🔮 2027-ல் உங்கள் ராசிக்கு என்ன பலன்?

♈ மேஷம் முதல் மீனம் வரை 12 ராசிகள்

💫 புத்தாண்டில் தொழில், பணவரவு, திருமணம், குடும்பம் மற்றும் வாழ்க்கை முன்னேற்றம் குறித்து உங்கள் ராசிக்கான வருடப் பலன்களைப் படியுங்கள்.

 

நிகழ்ச்சியின் முக்கிய அம்சங்கள் & மருத்துவ உரைகள்:

CME நிகழ்ச்சி: 

"Talk Your Trauma – A Multidisciplinary Approach to Psycho-Oncology" என்ற தலைப்பில் நடைபெற்ற இந்நிகழ்ச்சிக்கு MMCH&RI மனநல மருத்துவத் துறைத் தலைவர் டாக்டர் அர்த்தனாரி மற்றும் ஜஸ்’ ஆன்கோ நிறுவனர் டாக்டர் விஜயலட்சுமி ஆகியோர் தலைமை வகித்தனர்.

புற்றுநோயும் மனநலமும்: 

புற்றுநோயாளிகள் எதிர்கொள்ளும் பதற்றம், மனச்சோர்வு, உணர்வுப்பூர்வ பாதிப்புகள் மற்றும் மரண பயம் ஆகியவை அவர்களின் குணமடையும் தன்மையைப் பாதிக்கும் என்பதால், அவர்களுக்கு உளவியல் ரீதியான ஆதரவு அளிப்பது கட்டாயம் என மருத்துவர்கள் வலியுறுத்தினர்.

நிபுணர்களின் உரைகள்:

• டாக்டர் அரவிந்த்: புற்றுநோயாளிகளிடம் காணப்படும் மனநல அறிகுறிகள் குறித்து உரையாற்றினார்.
• டாக்டர் நிஷானா: மனநல அறிகுறிகளை எவ்வாறு முறையாக நிர்வகிப்பது என்பது பற்றிப் பேசினார்.
• டாக்டர் கஜசராஜ்: நோயாளிகளின் குடும்பத்தினர் எதிர்கொள்ளும் மன உளைச்சல்கள் மற்றும் சவால்கள் குறித்து விளக்கமளித்தார்.

வீடுகளுக்கே சென்று பராமரிக்கும் புதிய அறக்கட்டளை:

புற்றுநோய் மற்றும் உயிருக்கு ஆபத்தான முற்றிய நோய்களால் பாதிக்கப்பட்டவர்களுக்கு அவர்களின் வீடுகளிலேயே வைத்து நோய்த்தணிப்பு பராமரிப்பு (Palliative Care) வழங்கும் நோக்கில், ‘ஜஸ்’ ஆன்கோ பெலியேட்டிவ் கேர் அறக்கட்டளை’ காஞ்சிபுரத்தில் தொடங்கப்பட்டுள்ளது.

இவ்வறக்கட்டளை நோயாளிகளுக்கு வலி நிவாரணம் அளித்தல், உணர்வுப்பூர்வமான ஆதரவு தருதல், மற்றும் வாழ்க்கையின் இறுதி நாட்களில் கண்ணியமான பராமரிப்பை உறுதி செய்வதை முதன்மை நோக்கமாகக் கொண்டு செயல்படும்.

"புற்றுநோய் பராமரிப்பு என்பது நோய்க்கு சிகிச்சை அளிப்பது மட்டுமல்ல; மனநலத்தைக் கவனிப்பதும், துன்பத்தைக் குறைப்பதும், நோயாளிகளின் குடும்பங்களுக்கு ஆதரவளிப்பதும் ஆகும்!"

— டாக்டர் விஜயலட்சுமி (நிறுவனர், ஜஸ்’ ஆன்கோ)