“சட்டமன்றத்தில் அவதூறு பேச்சு!” - முதல்வர் விஜய்யைக் கண்டித்துக் காஞ்சிபுரத்தில் திமுக பிரம்மாண்ட கண்டன ஆர்ப்பாட்டம்!

காஞ்சிபுரம் | செப்டம்பர் 12, 2026

சட்டப்பேரவையில் தமிழ்நாடு முதலமைச்சரும் தவெக தலைவருமான சி. ஜோசப் விஜய், முன்னாள் முதலமைச்சர் மு.க.ஸ்டாலின் மற்றும் திமுகவின் வரலாற்றுப் பங்களிப்புகள் குறித்து அவதூறாகவும் அடாவடியாகவும் பேசியதாகக் கூறி, அதைக் கண்டிக்கும் வகையில் காஞ்சிபுரம் தெற்கு மாவட்ட திமுக சார்பில் இன்று மாபெரும் கண்டன ஆர்ப்பாட்டம் நடைபெற்றது. 

🔰 நீச சனி பெயர்ச்சி 2027: உங்கள் ராசிக்கு ராஜயோகமா? சோதனை காலமா?

🔰 2027 சனி பெயர்ச்சியால்
உங்கள் ராசிக்கு என்ன பலன்?

♈ மேஷம் முதல் மீனம் வரை 12 ராசிகளுக்கான பலன்கள்

ராஜயோகம் பெறும் ராசிகள் யார்? யாருக்கு எச்சரிக்கை தேவை? தொழில், பணவரவு, குடும்பம் மற்றும் பரிகாரங்களுடன் முழுமையான சனி பெயர்ச்சி பலன்களை அறியுங்கள். 🔮✨

 

காவலன் கேட் பகுதியில் திரண்ட திமுகவினர்

காஞ்சிபுரம் மாவட்ட ஆட்சியர் அலுவலகம் அருகே அமைந்துள்ள காவலன் கேட் பகுதியில் நடைபெற்ற இந்த ஆர்ப்பாட்டத்திற்கு, காஞ்சிபுரம் தெற்கு மாவட்டச் செயலாளரும் முன்னாள் சட்டமன்ற உறுப்பினருமான க. சுந்தர் தலைமை தாங்கினார்.

முக்கியக் கோரிக்கைகள்:

சட்டமன்றத்தின் மாண்பைக் குறைக்கும் வகையில் பேசப்பட்ட அவதூறு கருத்துகளை முதலமைச்சர் விஜய் உடனடியாகத் திரும்பப் பெற வேண்டும்.

பொய் குற்றச்சாட்டுகளைப் பேசியதற்காகத் தமிழ்நாட்டு மக்களிடமும் திமுகவிடமும் பகிரங்க மன்னிப்பு கேட்க வேண்டும்.

"தமிழக சட்டப்பேரவை பல மாபெரும் தலைவர்கள் செதுக்கிய வரலாற்றுத் தளம். அதை ரீல்ஸ் எடுக்கும் இடமாக மாற்றி, முன்னாள் முதல்வர் ஸ்டாலினின் தியாக வரலாற்றைக் கொச்சைப்படுத்திப் பேசுவதை திமுக தொண்டர்கள் ஒருபோதும் வேடிக்கை பார்க்க மாட்டார்கள்."

— க. சுந்தர், தெற்கு மாவட்டச் செயலாளர்

முக்கிய நிர்வாகிகள் & திரளான தொண்டர்கள் பங்கேற்பு

இந்த ஆர்ப்பாட்டத்தில் காஞ்சிபுரம் தொகுதி நாடாளுமன்ற உறுப்பினர் க. செல்வம், காஞ்சிபுரம் தொகுதி முன்னாள் சட்டமன்ற உறுப்பினர் வழக்கறிஞர் ஏழிலரசன், காஞ்சிபுரம் மாநகராட்சி மேயர் மகாலட்சுமி யுவராஜ் உள்ளிட்டப் பல முக்கிய நிர்வாகிகள் முன்னிலை வகித்தனர்.

மேலும், மாவட்டப் பொருளாளர் சன் பிராண்ட் ஆறுமுகம், மாநகரச் செயலாளர் தமிழ்ச்செல்வன், மாநில வர்த்தக அணித் துணைச் செயலாளர் வி.எஸ். ராமகிருஷ்ணன், தலைமைச் செயற்குழு உறுப்பினர்கள் எம்.எஸ். சுகுமார், டி.ஆர். நாராயணன், தலைமைப் பொதுக்குழு உறுப்பினர்கள் சிகாமணி, வெளிக்காடு ஏழுமலை, எஸ்.டி. பிரேம்சந்த், எஸ். உசேன், எஸ்.கே. ராஜேந்திரன், பி. சசிகுமார், ஏழிலரசி சுந்தரமூர்த்தி உள்ளிட்ட திரளான நிர்வாகிகளும் தொண்டர்களும் கலந்து கொண்டு அரசுக்கு எதிரான முழக்கங்களை எழுப்பினர்.