“831 இளைஞர்களுக்கு வேலைவாய்ப்பு!” - பச்சையப்பன் கல்லூரியில் மாபெரும் வேலைவாய்ப்பு முகாம்: பணி ஆணை வழங்கிய அமைச்சர்கள்!

 காஞ்சிபுரம் | செப்டம்பர் 20, 2026

காஞ்சிபுரம் பச்சையப்பன் ஆடவர் கல்லூரியில் மாவட்ட நிர்வாகம், வேலைவாய்ப்பு மற்றும் பயிற்சித் துறை மற்றும் மாவட்ட வேலைவாய்ப்பு - தொழில்நெறி வழிகாட்டும் மையம் ஆகியவை இணைந்து நடத்திய மாபெரும் தனியார்துறை வேலைவாய்ப்பு முகாம் சிறப்பாக நடைபெற்றது.

 

831 பேருக்கு பணி நியமன ஆணைகள் வழங்கல்

காஞ்சிபுரம் மாவட்ட ஆட்சியர் தி. சினேகா, இ.ஆ.ப. தலைமையில் நடைபெற்ற இந்நிகழ்வில், உத்திரமேரூர் சட்டமன்ற உறுப்பினர் ஜே. முனிரத்தினம் முன்னிலை வகித்தார். முகாமில் தேர்வான 573 ஆண்கள் மற்றும் 258 பெண்கள் என மொத்தம் 831 வேலைநாடுநர்களுக்கு பணி நியமன ஆணைகளை அமைச்சர்கள் வழங்கினர்.

• பங்கேற்ற நிறுவனங்கள் & இளைஞர்கள்: இம்மாபெரும் முகாமில் 154 முன்னணி தனியார்துறை நிறுவனங்கள் பங்கேற்றன. காஞ்சிபுரம் மற்றும் சுற்றியுள்ள பகுதிகளைச் சேர்ந்த 4,013 பட்டதாரி இளைஞர்களும் பெண்களும் வேலைவாய்ப்பு பெற விண்ணப்பித்துப் பங்கேற்றனர்.

🔰 நீச சனி பெயர்ச்சி 2027: உங்கள் ராசிக்கு ராஜயோகமா? சோதனை காலமா?

🔰 2027 சனி பெயர்ச்சியால்
உங்கள் ராசிக்கு என்ன பலன்?

♈ மேஷம் முதல் மீனம் வரை 12 ராசிகளுக்கான பலன்கள்

ராஜயோகம் பெறும் ராசிகள் யார்? யாருக்கு எச்சரிக்கை தேவை? தொழில், பணவரவு, குடும்பம் மற்றும் பரிகாரங்களுடன் முழுமையான சனி பெயர்ச்சி பலன்களை அறியுங்கள். 🔮✨

 

“உள்ளூர் இளைஞர்களுக்கு முன்னுரிமை!” - அமைச்சர் எஸ்.பி.கே. தென்னரசு உறுதி

நிகழ்ச்சியில் பணி நியமன ஆணைகளை வழங்கிச் சிறப்புரையாற்றிய வெளிநாடு வாழ் தமிழர்கள் நலத்துறை அமைச்சர் எஸ்.பி.கே. தென்னரசு:

"தமிழ்நாடு முதலமைச்சர் இளைஞர்களின் நலனில் தீவிர அக்கறை கொண்டு வேலைவாய்ப்புகளை உருவாக்கி வருகிறார். அண்மையில் மேற்கொண்ட வெளிநாட்டுப் பயணங்கள் மூலம் ரூ. 15,300 கோடி முதலீடுகள் ஈர்க்கப்பட்டு, 10,000 பேருக்கு புதிய வேலைவாய்ப்புகள் உறுதியாகியுள்ளன.

ஸ்ரீபெரும்புதூர் போன்ற தொழில் மண்டலங்கள் அமைவதற்காகத் தங்களின் நிலங்களை வழங்கிய உள்ளூர் சார்ந்த படித்த இளைஞர்களுக்குத் தொழிற்சாலைகளில் வேலைவாய்ப்பில் முன்னுரிமை அளிக்கப்பட வேண்டும் என்பதை முதலமைச்சரின் கவனத்திற்குக் கொண்டு சென்று தேவையான நடவடிக்கைகளை எடுத்து வருகிறோம்."

— எஸ்.பி.கே. தென்னரசு, அமைச்சர்

தொடர்ந்து பேசிய வனத்துறை அமைச்சர் ஆர்.வி. இரஞ்சித் குமார், வேலைவாய்ப்பு பெற்ற இளைஞர்கள் மிகுந்த ஆர்வத்துடனும் அர்ப்பணிப்புடனும் பணியாற்றித் தங்கள் வாழ்வாதாரத்தை உயர்த்திக் கொள்ள வாழ்த்தினார்.

முக்கிய அதிகாரிகள் பங்கேற்பு

இந்நிகழ்வில் மாவட்ட ஊரக வளர்ச்சி முகமை கூடுதல் ஆட்சியர் ஆஷிக் அலி, இ.ஆ.ப., காஞ்சிபுரம் சார் ஆட்சியர் தி. புவனேஷ் ராம், இ.ஆ.ப., மகளிர் திட்ட இயக்குநர் க. ஆர்த்தி, மாவட்ட வேலைவாய்ப்புத் துணை இயக்குநர் கி. செந்தில்குமார், பச்சையப்பன் ஆடவர் கல்லூரி முதல்வர் டாக்டர் வி. அண்ணாதுரை, அரசு அலுவலர்கள், தனியார் நிறுவனப் பிரதிநிதிகள் மற்றும் ஆயிரக்கணக்கான இளைஞர்கள் கலந்து கொண்டனர்.