“மாற்றுத்திறனாளிகள் உதவித்தொகை ₹6,000 ஆக உயர்த்தப்பட வேண்டும்!” - விருத்தாசலம் கோட்டாட்சியர் அலுவலகத்தில் கவனயீர்ப்பு ஆர்ப்பாட்டம்!

 விருத்தாசலம் | ஆகஸ்ட் 25, 2026

கடலூர் மாவட்டம் விருத்தாசலம் கோட்டாட்சியர் அலுவலகம் முன்பாக, அனைத்து வகை மாற்றுத்திறனாளிகள் மற்றும் பாதுகாப்போர் உரிமைச் சங்கம் சார்பில் மாபெரும் கவனயீர்ப்பு ஆர்ப்பாட்டம் இன்று நடைபெற்றது.

🔮 மேஷம் முதல் மீனம் வரை வார ராசி பலன்கள்

🔥 இந்த வாரம் யாருக்கு அதிர்ஷ்டம்?
யாருக்கு எச்சரிக்கை தேவை?

📅 ஆகஸ்ட் 24–30, 2026

மாநிலக் குழு உறுப்பினர் ரவீந்திரன் தலைமையில் நடைபெற்ற இந்த ஆர்ப்பாட்டத்தில், மாற்றுத்திறனாளிகள் எதிர்கொள்ளும் பல்வேறு முக்கியக் கோரிக்கைகள் வலியுறுத்தப்பட்டன.

முன்வைக்கப்பட்ட முக்கிய கோரிக்கைகள்:

• உதவித்தொகை உயர்வு: மற்ற மாநிலங்களில் வழங்கப்படுவதைப் போலத் தமிழ்நாட்டிலும் மாற்றுத்திறனாளிகள் அனைவருக்கும் வழங்கப்படும் மாதாந்திர உதவித்தொகையை ₹6,000 ஆக உயர்த்தி வழங்கிட வேண்டும்.

• நிலுவை விண்ணப்பங்களுக்கு ஒப்புதல்: கடந்த இரண்டு ஆண்டுகளுக்கும் மேலாக உதவித்தொகை கோரி விண்ணப்பித்துக் காத்திருக்கும் அனைத்து மாற்றுத்திறனாளிகளுக்கும் உடனடியாக உதவித்தொகையை வழங்க நடவடிக்கை எடுக்க வேண்டும்.

ஆர்ப்பாட்டம் & கோரிக்கை மனு அளிப்பு:

ஆர்ப்பாட்டத்தின் நிறைவில், விருத்தாசலம் கோட்டாட்சியரின் நேர்முக உதவியாளர் உதயகுமாரிடம் சங்கம் சார்பில் விரிவான கோரிக்கை மனு அளிக்கப்பட்டது.

பங்கேற்ற முக்கிய நிர்வாகிகள்:

• வாலிபர் சங்க முன்னாள் மாவட்டத் தலைவர்: ஆர்.கலைச்செல்வன்
• திட்டக்குடி வட்டச் செயலாளர்: ராஜேந்திரன்
• பொருளாளர்: பன்னீர்செல்வம்
• வேப்பூர் வட்டச் செயலாளர்: பொன்னுசாமி
• விருத்தாசலம் வட்டத் தலைவர்: விமலா
• நிர்வாகிகள்: கிருஷ்ணமூர்த்தி, செந்தில்குமார், ராம்குமார்

இந்நிகழ்வில் அனைத்து வகை மாற்றுத்திறனாளிகள் மற்றும் பாதுகாப்போர் உரிமைச் சங்கத்தைச் சேர்ந்த நூற்றுக்கும் மேற்பட்ட நிர்வாகிகள் மற்றும் உறுப்பினர்கள் திரளாகக் கலந்துகொண்டு தங்களது கோரிக்கைகளை முழக்கமிட்டனர்.